Arnar Loftsson er sérfræðingur í málefnum Rússlands. Hann er giftur rússneskri konu og segir Rússland vera sitt annað heimili. Þjóðólfur náði tali af Arnari í önnum dagsins og hann þáði að koma í viðtal og segja okkur frá kynnum sínum af Rússlandi og hvað hann vissi um ástandið þar. Arnar fékk áhuga á að kynna sér menningu og sögu þess lands sem konan hans kemur frá en hún er rússnesk. Þau hafa dvalist mikið í lýðveldinu Mari-El um 800 km austur af höfuðborginni Moskvu.
Arnar Loftsson stofnaði heimasíðu á netinu Rússnesk stjórnmál og menning sem var opin öllum en þegar Rússar hófu „sérstaka hernaðaraðgerð“ í Úkraínu 24. feb rúar 2022, þá breyttist allt. Álagið varð slíkt að Arnar neyddist til að gera síðuna lokaða fyrir aðra en þá sem gerðust meðlimir. Hann varð fyrir miklu aðkasti og hótunum og jafnframt óbeinum árásum sem hann greinir frá í viðtalinu. Rússafóbían var í algleymingi og alls ekki pólitískt rétt að ræða um, hvað þá við Rússa.
Pútín hefur sýnt mikla stillingu og mikinn aga
Arnar spyr hvort Bandaríkjamenn hefðu samþykkt að Rússar væru staðsettir á Kúbu til að stjórna rússneskum eldflaugaárásum á Bandaríkin? Svarið er augljóst, slíkt hefði aldrei verið liðið. Í Úkraínustríðinu stjórna Bandaríkjamenn eldflaugaárásum á Rússland með bandarískum eldflaugum. Það er því til marks um hversu mikla þolinmæði og stillingu, Pútín og Rússlandsstjórn hafa sýnt í Úkraínustríðinu að ekki er búið að hleypa öllu í bál og brand. Úkraínumenn, Zelensky ásamt Biden og Nató hafa reynt allt sem þeir geta til að hrinda af stað þriðju heimsstyrjöldinni en mistekist.
Arnar skýrir frá vopnaútbúnaði Rússlands en Rússar ráða yfir tortímingarsprengjum og hljóðfráum eldflaugum sem Vesturlönd eiga ekki svar við. Að Zelensky, bandarískir vopnaframleiðendur og ESB halda áfram að stríðsáróðri og stríðsæsingu er vægast sagt bæði heimskt og fáranlegt. Rússland hefur unnið stríðið en opinberlega er það ekki viðurkennt á Vesturlöndum.
Rússafóbían kemur frá Bretum
Arnar Loftsson segir móðursýki Rússafóbíunnar upprunalega vera frá Bretum. Það má einnig sjá á því, þegar Boris Johnson þávarandi forsætisráðherra Bretlands var sendur af Biden til Úkraínu og stöðva framkvæmd friðarsamnings sem búið var að samþykkja. Arnar varar við því að staðan núna ef til friðarsamninga kemur er engan vegin sú sama og þegar Minsk-samkomulagið var undirritað. Eftir öll samningasvikin hafa Rússar lært, að það er ekkert að marka Vesturlönd og leiðtoga þeirra. Þeir munu því setja fram auknar kröfur eins og til dæmis að Vesturlönd greiði til baka þá 300 milljarða dollara sem þau hafa fryst og stolið af rússneskum viðskiptaaðilum. Hann segir ESB ekki í neinu ástandi að semja við Rússa og grundvöll Nató horfinn, þegar einn meðlimur Nató, Bandaríkin, ræðst á og eyðileggur hagsmuni annars Nató-meðlims, Þýskalands. Gerðist það með sprengingu Nord Stream gasleiðslunnar frá Rússlandi til Þýskalands.
Arnar segir málið flóknari en svo að Donald Trump nýkjörinn forseti Bandaríkjanna geti komið með eigin kröfur og búist við samningum á innan við sólarhring. Pútín og Rússlandsstjórn vilja semja og ræða við Trump en þá án þess að Zelensky sé með.
Fyrir hvað yfirgáfu Svíar hlutleysistefnu sína?
Arnar Loftsson harmaði að Svíar yfirgáfu yfir tveggja alda hlutleysi og gerðust meðlimir Nató og hegða sér dólgslega á Eystrarsalti. Sagði hann að núna neyddust Rússar til að beina eldflaugum í átt að Svíþjóð sem hugsanlegu skotmarki ef til heimsstyrjaldar dregur. Spyr hann eðlilega fyrir hvað Svíar hafi yfirgefið hlutleysið.
Mannfall í Úkraínu er gríðarlega mikið og fjölmiðlar á Vesturlöndum segja ekki satt frá. Arnar bar saman upplýsingar yfirvalda í Lýðveldinu Mari-El þar sem hann dvelst lengst á meðan hann er í Rússlandi saman við opinberar tölur rússnesku ríkisstjórnarinnar og sagði tölur ríkisins trúverðugar. Í Rússlandi er talað um færri en 100 þúsund fallna rússneskra hermanna samtímis sem tala fallinna Úkríunumanna gæti verið ein milljón manns. En tölulegur samanburður á stríðstímum getur verið óljós, því yfirvöld stýra upplýsingaflæðinu.
Viðtalið við Arnar Loftsson er athyglisvert og upplýsingaríkt, hann er einn af fáum Rússlandsvinum sem þora að standa við skoðun sína og hefur þurft að þola mikið mótlæti, hótanir og líkamsárásir fyrir. Hlusta má á viðtalsþáttinn hér að neðan:
