Rotterdam setur á fordæmalaust útivistarbann að næturlagi vegna óláta innflytjendahópa

Allir sem vistas úti í De Esch á milli kl. 23:00 og 05:00 án lögmætrar ástæðu eiga nú á hættu að verða sektaðir og færðir á sakaskrá

Rotterdam hefur tekið upp fordæmalaust útivistarbann að næturlagi á stórum hluta De Esch-hverfisins eftir nærri þriggja ára vandamál vegna götukappaksturs, fíkniefnaneyslu, ógnandi hegðunar, vændis og viðvarandi hávaða af völdum ungmennagengja innflytjenda.

Reglurnar, sem tóku gildi í síðustu viku, gera það refsivert að fara inn á afmarkað svæði á milli kl. 23:00 og 05:00 án gildrar ástæðu. Lögreglan getur sektað alla sem geta ekki gert fullnægjandi grein fyrir því hvers vegna þeir eru þar.

Íbúar, starfsfólk, gestir á heimilum á svæðinu og þeir sem sækja viðburði, veitingastaði eða bari eru undanþegnir banninu. Ráðstöfunin verður í gildi í þrjá mánuði áður en hún verður endurmetin. Carola Schouten, borgarstjóri Rotterdam segir:

„Það verður að koma aftur ró yfir De Esch og íbúarnir verða að finna fyrir öryggi og vellíðan. Þess vegna gríp ég til þessa úrræðis.“

🇳🇱 Parts of Rotterdam are now a no-go zone because of migrant gangs and anti-social behavior.

The city has introduced an unprecedented night-time ban on entering De Esch neighborhood, with those falling foul of the rules liable for a fine and a criminal record.

The council had… pic.twitter.com/uQAYWZBs9U
— Remix News & Views (@RMXnews) July 24, 2026

Íbúar sögðu við NOS að stórir hópar utanaðkomandi fólks hefðu safnast saman í hverfinu eftir að skyggja tók allt frá því skömmu eftir Covid-faraldurinn. Um helgar er sagt að tugir og stundum hundruð manna komi á svæðið til að keppa á bílum, þenja bílflautur, neyta fíkniefna, halda götupartý og skilja eftir sig rusl.

„Um leið og dimmir missa þeir alla stjórn á sér,“ sagði einn íbúi í samtali við sjónvarpsstöðina NOS.

Fyrri aðgerðir, þar á meðal uppsetning steinsteypuhindrana, aukið eftirlit lögreglu og viðræður við þá sem taldir voru bera ábyrgð, dugðu ekki til að ná tökum á ástandinu.

Fyrsta kvöldið sem bannið var í gildi var áberandi rólegra.

„Ég svaf dásamlega,“ sagði einn íbúi við Rijnmond. Hún sagði að áður hefði hún þurft að þola öskur, bílflautur og hávaða nánast á hverri einustu nóttu, jafnvel þótt hún svæfi með eyrnatappa. „Nú er gatan alveg hljóðlát,“ sagði hún.

Önnur kona sagði að hún hefði hætt að fara ein út að ganga með hundinn sinn á kvöldin vegna hættulegs aksturs og ógnandi hegðunar. Foreldrar hennar hefðu verið nærri því keyrðir niður af bílum sem ekið var hlið við hlið uppi á gangstétt, en þegar reynt var að ræða við þá sem stóðu að þessu hefði það stundum endað með svívirðingum, hótunum og því að þeir tóku fólk upp á myndband til birtingar á samfélagsmiðlum.