Tommy Robinson (Mynd © Shayan Barjesteh van Waalwijk van Doorn (CC 4.0).
Bretar þora ekki lengur að segja skoðanir sína á samfélagsmiðlum, eftir að farið er að handtaka fólk til hægri og vinstri. Það er einmitt kjarni málsins, fullyrðir Tommy Robinson í viðtali við Infowars (sjá X að neðan). Það er verið að hræða fólk til þöggunar, það á að stunda sjálfsritskoðun og hætta að taka þátt í mótmælum.
Hvað er eiginlega að gerast í Bretlandi?
Verið er að kæfa tjáningarfrelsið, fólk er handtekið fyrir ýmsar færslur á samfélagsmiðlum. Til dæmis var kona handtekin eftir að hún dreifði „röngum upplýsingum“ á netinu. Lögreglan er líka farin að handtaka börn niður í 11 ára aldur fyrir að taka þátt í mótmælunum.
Að sögn Tommy Robinson er verið að þagga niður í bresku þjóðinni og hræða Breta frá því að fara út á götur og mótmæla. Hann var sjálfur handtekinn eftir að hafa skipulagt mótmæli í London. Vinstrisinnaðir blaðamenn hafa einnig verið handteknir. Robinson segir á Infowars:
„Tjáningarfrelsið er skotspónninn. Þetta er okkar 6. janúar. 6. janúar í Bandaríkjunum var skipulagður til að fæla bandarísku þjóðina frá því að taka aftur þátt í fjöldamótmælum.“
„Núna veit fólk í Bretlandi ekki lengur, hvað það má segja á samfélagsmiðlum. Fólk ritskoðar sig sjálft nú þegar. Verið er að handtaka fólk og setja í fangelsi.“
Að sögn Robinson var maður dæmdur í rúmlega þriggja ára fangelsi fyrir að hafa hrópað á götunni og veifað enska fánanum í mótmælunum í sumar. Tommy Robinson bendir á, að verið sé að taka „pólitíska fanga.“
