Eftir tvo daga mun WHO telja Íslendinga hafa samþykkt breytingar á alþjóða heilbrigðisreglugerð WHO. breytingarnar gengu í gegn í fyrra en meðlimir WHO með fáum undantekningum fengu frest til 19. júlí – núna eftir aðeins tvo daga – til að hafna eða samþykkja breytingarnar. Hafni ríkin ekki breytingunum formlega áður en fresturinn rennur út, þá teljast þau samkvæmt WHO hafa samþykkt breytingarnar.
Íslensk yfirvöld spila eigin leik í málinu fram hjá þingi og þjóð. Þegar þingmenn vita ekki einu sinni sjálfir um hvað málið snýst, þá er ekki viðbúið að almenningur geri það. Samt eru ýmsir, til dæmis Guðmundur Karl Snæbjörnsson læknir, sem er gjörkunnugur málinu og hefur varað við þessari þróun í mörg ár sniðgenginn og ofsóttur og starfsleyfi sem læknir! Ekkert annað lýsir betur þeim fautaskap sem íslensk heilbrigðisyfirvöld hafa frammi, þegar verið er að stýra þjóðinni inn í alþjóðlegt kerfi lyfjarisa sem eru að leggja allan heiminn undir sig og í hendur alræðisvalds WHO sem þeir stjórna.
Þjóðólfur náði tali af fræðimanninum, rithöfundinum og aðgerðasinnanum James Roguski, sem býr í Kaliforníu en hann er einn helsti sérfræðingur heims í heilbrigðismálum og reglugerðafargani og búrókratískum starfsháttum Alþjóðaheilbrigðisstofnunarinnar WHO. Roguski tók vel í það að koma til viðtals og hann er óþreytandi við að upplýsa almenning um þau flóknu sambönd og vinnsluferli sem einkenna starf 194 þjóða í WHO.
Opið bréf til þjóðarleiðtoga heims
Roguski hefur sent frá sér opið bréf til leiðtoga heims með viðvörun við andvaraleysi gagnvart breytingum á alþjóða heilbrigðisreglum sem WHO hefur samþykkt og þau lönd sem ekki skrifa formlega til WHO og hafna viðbótarbreytingum á alþjóða heilbrigðisreglunum fyrir 19. júlí teljast hafa samþykkt breytingarnar. Hvetur hann þjóðarleiðtoga að ræða málið tafarlaust og hafna breytingunum fyrir þennan tíma. Í bréfinu segir:
„Þetta er ekki höfnun á alþjóðlegu samstarfi í heilbrigðismálum – heldur mikilvæg vörn fyrir fullveldi þjóðarinnar, réttlátri málsmeðferð, þinglegt eftirlit og grundvallar lýðræðislegri ábyrgð.
Hver stjórnar?
Í mjög svo einföldu máli má segja að spurningin sé um það hver á að taka ákvarðanir um heilsu fólks, eigin kjörnir embættismenn eða WHO sem vinnur fyrir lyfjarisana. Allt sem kemur frá WHO þjónar hagsmunum alþjóða lyfjarisa sem eru að leggja hönd á heilbrigðismarkað allara landa í heiminum í gegnum WHO. James Roguski varar við því, að ákvarðanir um að fylgja WHO að málum þýði skuldbindingu viðkomandi landa til að fylgja ráðleggingum WHO varðandi kaup á vörum og þjónustu til heilbrigðismála viðkomandi lands. Roguski segir:
„Ef þetta eru nýmæli fyrir þig, þá er það staðfesting á kjarna málsins. Þú áttar þig ekki á málinu og hefur aldrei heyrt talað um það áður.“
Hann segir að rekja megi vandann allt til ársins 1969 þegar alþjóðlegar reglur voru settar um heilbrigðismál og eftir það hefur þeim verið breytt:
„Til að gera langa sögur stutta, þá söfnuðust fulltrúar ríkja og samþykktu viðbætur við heilbrigðisreglurnar 1. júní 2024. Að mínu viti voru breytingarnar ólöglegar….Ef að slíkar breytingar eru gerðar, þá er litið á þær sem samþykktar nema að ríki sendi frá sér formlega neitun fyrir tilskilinn tíma.“
James Roguski segir að hið raunverulega vandamál sé að valdir embættismenn og aðrir embættismenn hlusti ekki lengur á almenning heldur á einhverja aðra. Engar umræður um málið eigi sér stað og ákvarðanir teknar að tjaldabaki. Við slíkar aðstæður muni lyfjarisarnir stjórna för á ólýðræðislegan hátt en ekki almenningur þjóðanna sem eiga aðild að WHO.
Einokun á sölu afurða lyfjarisanna
Roguski bendir á að fyrir nokkru hafi lyfjarisarnir komist að því að þeir væru ekki nógu stórir til að ná fullu valdi á öllum heimium og því hefðu þeir gert áætlun um byggingu framleiðslu og dreifingu sem væri grunnur þeirra breytinga sem WHO ynni að. Allt sem varðar breytingar og tilllögur WHO á alþjóða regluverkinu snýr að því að tryggja yfirráð lyfjarisanna yfir heiminum öllum og útiloka aðra aðilal frá því að komast að með sínar vörur og þjónustu.
Smelltu á spilarann hér að neðan til að heyra umræðuna: