Kanadísk stjórnvöld vara þjóðina við, atvinnurekendur og almenning, til að búa sig undir nýja og stórhættulega ímyndaða veiru. Er sagt að veiran muni leiða til mikilla truflana í birgðakeðjum sem muni leiða til matar- og vatnsskorts.
Vinnuvernd ríkisins birti nýlega aðra útgáfu af handbók sinni „Handbók fyrir atvinnulífið um flensu- og smitsjúkdómafaraldra.“ Bókin veitir ráðgjöf til vinnuveitenda um hvernig ætlast er til að þeir bregðist við, til að vera undirbúnir fyrir „nýjan meintan alheimsfaraldur.“
Hrætt með nýrri veiru sem á að drepa fleiri en Covid-19
Í nýjustu útgáfunni er sérstök áhersla lögð á nýja „ímyndaða veiru“ sem fullyrt er að geti leitt til svipaðra eða verri sjúkdóma en Covid-19. Þar er því haldið fram að:
„Miðað við þróun í fyrri heimsfaröldrum inflúensu, þá má búast við meiri útbreiðslu smits og dauðsfalla í aldurshópum sem verður frábrugðið því sem venjulega sést á árlegu flensutímabili.“
Jafnframt er því lýst yfir, að atvinnurekendur verði að undirbúa sig fyrir atburðarás þar sem sjúkdómsfaraldurinn leiðir til þess, að fjöldi starfsmanna neyðist til að vera heima frá vinnu.
„Ef það verður heimsfaraldur, hversu margir mæta þá ekki á vinnustaðinn? Það er ómögulegt að ákveða með vissu. Áætlanir eru breytilegar vegna þess að enginn getur vitað með vissu hversu mikið nýja veiran mun sýkja fólk, hversu hratt hún dreifist eða hversu margir munu sækja vinnu á vinnustað fyrr en það gerist.“
„Það er mikilvægt að vita, að heimsfaraldur kemur í 2 eða 3 bylgjum með um það bil 3 til 9 mánaða millibili. Gert er ráð fyrir að hver bylgja standi í um 6 til 8 vikur. Heimsfaraldur getur varað í þessum lotum í allt að tvö ár eða lengur.“
Setti herlög gegn mótmælendum
Þess vegna þarf almenningur að búa sig undir fækkun starfsmanna, vandamál í aðfangakeðjum og breytingar á eftirspurn og kauphegðun neytenda. Að auki geta fjarskipti, bankar, vatn, bensín, lyf og matvæli einnig orðið fyrir áhrifum af truflunum, er fullyrt.
Viðvaranir kanadískra yfirvalda koma í kjölfar viðvarana bandarískra „sóttavarnasérfræðinga“ eins og hins alræmda Anthony Fauci. Fauci fyrirskipar eina ferðina enn, að almenningur eigi að taka upp andlitsgrímur og vísar til meintra aukninga á Covid-tilfellum.
Á meðan á Covid-19 gekk yfir, þá voru það aðallega pólitískar takmarkanir og lokunarstefna stjórnvalda sem leiddu til útbreiddrar samfélagslegra truflana. Handbókin þegir yfir því.
Tugir þúsunda meðborgara fengu nóg og mótmæltu harðlínustefnu kanadískra yfirvalda í frægri bílalest vöru- og flutningabílstjóra. Þá kaus ríkisstjórn Trudeau að bregðast við með því að setja herlög og berjast við mótmælendur í stað þess að hlusta á þá, nokkuð sem Nya Dagbladet greindi mikið frá.
