Samsett mynd sem sýnir Geir Waage, pastor emeritus og Reykholtskirkju.
Nýr þáttur Ísafoldar, sá fjórði, er kominn í loftið. Geir Waage, pastor emeritus, er gestur Írisar Erlingsdóttur og Gústafs Skúlasonar og eru mál þjóðkirkjunnar á Íslandi til umræðu.
Þjóðkirkjan vinnur að nýrri handbók fyrir presta og kirkjusöfnuði landsins. Áætlað er að kynna breytingu á fagnaðarerindi evangelísku lútersku kirkjunnar um sköpun guðs í sinni mynd með tveimur kynjum manni og konu. Núna ætlar biskup og kirkjuþing að breyta þessum boðskap yfir í að kynin séu fleiri en tvö. Hversu mörg er er ekki gefið upp en talað um öll kynin.
Einnig er verið að breyta orðfari trúarjátninga, skírna og messu og eyða tali um guð í karlkyni og talað um ljósmóður lífsins í staðinn.
Það sem er alvarlegast er að stroka á út heilaga þrenningu sem evangelíska lúterska kirkjan byggir boðskap sinn, skírn og fermingu á. Geir Waage, pastor emeritus er gestur Ísafoldar í þessum fjórða þætti og segir að ef af verði að þjóðkirkjan yfirgefi heilaga þrenningu, þá sé hún ekki lengur evangelísk lútersk kirkja og geti sem slík ekki verið hluti alþjóðlegu evangelísku lútersku kirkjunnar sem hún er í dag.
Þá verður samkomulag kirkju og ríkis einnig rofið, því í stjórnarskrá og lögum um þjóðkirkjuna er samkomulag ríkis gert við evangelísku lútersku kirkjuna sem sé þjóðkirkja Íslands.
Yfirgefur þjóðkirkjan grundvallarhlutverk sitt með þessum hætti hverfa allar skyldur ríkisins við kirkjuna og ríkinu ber engin skylda til að fjármagna kirkju sem hefur yfirgefið þjóð sína.
Þjóðólfur mun fjalla nánar um málið á morgun en hér að neðan má hlýða og horfa á þáttinn: