Refsiaðgerðirnar gegn Rússlandi hafa ekkert með Úkraínustríðið að gera eða mannréttindi eða siðferði, heldur eru þær efnahagsleg „örvunaráætlun“ fyrir Bandaríkin og „drápsáætlun“ fyrir Evrópu að mati þýsku stjórnmálakonunnar Sarah Wagenknecht samkvæmt Die Zeit og Tagesschau. Löndin í Evrópu hafa í grundvallaratriðum verið blekkt.
Þýski hagfræðingurinn Sarah Wagenknecht, fyrrverandi formaður Kommúnísku fylkingarinnar, gagnrýnir harðlega þá stefnu sem framfylgt er í Þýskalandi. Þýskaland þarf aftur á ódýrri orku að halda „annars flytjast fyrirtækin úr landi“ segir hún. Að sögn Wagenknecht hafa refsiaðgerðirnar gegn Rússum ekkert með Úkraínustríðið að gera. Hún segir samkvæmt N´TV:
„Refsiaðgerðirnar hafa ekkert með siðferði að gera, þær hafa ekkert með mannréttindi að gera, þær hafa ekkert með friðarást að gera, þær eru einfaldlega efnahagsleg örvunaráætlun fyrir bandaríska hagkerfið og drápsáætlun fyrir þýsk og evrópsk fyrirtæki. Bandaríkin hafa aldrei haft áhuga á mannréttindum og friðhelgi landamæra.“
