Það er „allt í lagi siðferðilega“ að drepa konur og börn viljandi í stríði. Það fullyrðir breski sjónvarpsmaðurinn Piers Morgan í viðtali við Tucker Carlson, að því er Expressen greinir frá.
Tucker Carlson tók nýlega viðtal við Piers Morgan, þar sem hann ver meðvituð morð á konum og börnum og dregur í efa að það sé „illmennska“ að viljandi drepa óbreytta borgara.
Enginn á að hrósa sér af því að drepa konur og börn
Tucker Carlson gagnrýnir lofgjörð Ben Shapiro um hernað Ísraels gegn óbreyttum borgurum og heldur því fram að manndráp óbreyttra borgara í stríði sé illmennska sem enginn eigi að hrósa sér af. Þá grípur Piers Morgan fram í fyrir honum og spyr:
Piers Morgan: Er það illmennska?
Tucker Carlson: Að drepa óbreytta borgara af ásetningi? Já.
Piers Morgan: Í alvöru?
Tucker Carlson: Hvernig getur það ekki verið?
Piers Morgan: Í stríði? Þá held ég að þú hafir siðferðilegan rétt til þess.
Tucker Carlson: Að drepa átta ára börn?
Piers Morgan: Ef heimsstyrjöld er bókstaflega á þröskuldinum, þá já.
Piers Morgan sakar Tucker Carlson um að vera almennt á móti stríði sem Carlson viðurkennir að hann sé, nema í hreinni sjálfsvörn ef óvinur ræðst á þig.
Viðtalið má heyra á myndskeiðinu hér að neðan:
