Hann var heldur myrkur í máli „sérfræðingurinn“ sem Íris talaði aðeins við í beinni í nýjasta þætti Ísafoldar sem tók fyrir helstu málefni síðustu viku. Hann var svo myrkur í máli að jafnvel fullorðnir verða skelkaðir.
Umfjöllun fjölmiðla um glæpamenn sem eru kvengervlar eða transmenn var til umræðu og sérfræðingurinn tekinn tali vegna þess. Allt í góðlátlegu gríni að sjálfsögðu, því hinn nafnlausi sérfræðingur var búinn til eftir innblástur frá Ann Coulter sem lýsir nútíma „fréttamennsku“ í fimm skrefum: Vakna – klóra sér í hausnum – tilkynna „mér finnst þetta“ – finna „sérfræðing“ sem er þér sammála – skrifa „frétt.“ Mætti halda að Coulter hafi unnið hjá RÚV síðustu tuttugu árin að geta komið með svona greinargóða lýsingu á þeim bæ.
Vikan sem leið var atburðarík og ekki allt fallegt til dæmis hin hrottalegu morð á börnum í Bandaríkjunum þegar brjálaðir karlmenn sem þykjast vera konur drepa börn og fullorðna. Írís Erlingsdóttir sem býr í Minnesóta greindi frá hryllilegum morðum og umfjöllun fjölmiðla um þessa tegund glæpa. Forðast fjölmiðlar eins og heitan eld að segja frá því að þær „konur” sem gerðust morðingjar í þessum fréttum voru fæddir karlmenn og því í rauninni kvengervlar eða transmenn.
Hið sama gildir um fréttamennsku af tilvistarstríði Ísrael gegn hryðjuverkasveitum Hamas en ýmsir fréttamenn eins og til dæmis fréttamaður sænska útvarpsins er starfsmaður áróðursveitu PLO! Þorgerður Katrín utanríkis grætur yfir því að Trump hafi bannað að hleypa slíkum megafónum hryðjuverka inn í Bandaríkin, en hún grætur yfir svo miklu þessa dagana að nóg græn orka yrði fáanleg með því að virkja táraflóðið.
Frá Akureyri barst sú gleðifrétt, að foreldrar tóku sig saman og kærðu bæjaryfirvöld og yfirvöld menntamála fyrir að hleypa lífsskoðunarsamtökunum 78 inn í barnaskóla með óviðeigandi „kynfræðslu“ þar sem meðal annars er rætt um „kynþokkafull börn!“ Vonandi fylgja foreldrar annars staðar á landinu eftir þessu góða fordæmi foreldranna á Akureyri sem bera hag barna sinna fyrir brjósti og mynda varnargarð um þau gegn kynjarugli. Foreldrar eiga börnin sín sjálf, ekki sveitarfélög eða ríkið og allra síst Samtökin 78.
Smelltu á spilarann að neðan til að horfa á þáttinn: