Kristnir Sýrlendingar gengu út á götur Gamla Damaskus á aðfangadagskvöld til að mótmæla því að erlendir íslamskir heilagastríðsmenn brenndu niður jólatré í borginni Al-Suqaylabiyah, þar sem meiri hluti íbúa er kristinn (sjá myndskeið að neðan).
Mótmælendur héldu á krossum og nýjum þjóðfána Sýrlands og hvöttu til að binda enda á óréttlæti og sértrúarstefnu gegn kristnum mönnum. Einn mótmælandi sagði við staðbundinn fjölmiðil að sögn Jerusalem Post:
„Annað hvort búum við í landi sem ber virðingu fyrir kristinni trú okkar eins og gert var áður eða opnið dyrnar fyrir okkur svo við getum farið til útlanda.“
Lofuðu aðgerðum gegn brennuvörgunum
Embættismenn frá herstjórninni ásamt íslömskum klerkum hittu sóknarprest borgarinnar, föður Maher Haddad, og hétu því að refsa þeim sem stóðu að íkveikjunni auk þess að nýju jólatré yrði komið fyrir á aðfangadagskvöld. Sýrlenskir fjölmiðlar hafa eftir föður Haddad, að átta útlendingar hafi kveikt í jólatrénu. Öryggisþjónustan handtók þá sem stóðu að íkveikjunni.
Sýrlenska bráðabirgðastjórnin fyrirskipaði að öryggissveitir yrðu sendar til helstu kristnu hverfanna í Damaskus til verndar um jólin, að því er Al-Hurra, sem styður bandarísk stjórnvöld, greindi frá. Sjá myndskeið af íkveikju jólatrésins og mótmælum kristinna hér að neðan:
