Ef aðildarríki í ESB kýs þjóðernissinnaða ríkisstjórn sem gengur gegn stefnu Evrópusambandsins þá verður sú ríkisstjórn að fara. Þannig vinnur Brussel að valdaskiptum í þeim löndum sem ekki samrýmast opinberri stefnu ESB. Þetta segir Viktor Orbán, forsætisráðherra Ungverjalands, í nýju viðtali (sjá X að neðan).
Swebbtv greinir frá. Hvers konar stofnun er ESB eiginlega? Ekki sýnir hún aðildarríkjunum neina sérstaka lýðræðislega virðingu ef marka má Viktor Orbán forsætisráðherra Ungverjalands.
Hann greinir frá því að Evrópusambandið hafi reynt að bola ríkisstjórn Ungverjalands frá völdum allt frá því að Orbán varð forsætisráðherra landsins árið 2010. Sem sagt í fjórtán ár. Viktor Orban segir:
„Brussel hefur reynt að skipta um ríkisstjórn í Ungverjalandi með auknum styrkleika og staðfestu síðan 2010.“
„Ekki bara í Ungverjalandi heldur alls staðar þar sem þjóðræknar ríkisstjórnir hafa verið á öndverðum meiði við miðstýringartilhneigingu Brussel, – sjáið Pólland. Við getum kallað þetta frjálslyndan, búrókratískan miðstýringarmetnað Evrópusambandsins. Þeir hafa alltaf reynt að fella þessar ríkisstjórnir, þar á meðal mig og okkur. Ég get sagt nákvæmlega fyrir hverjar kosningar, hvar, hvenær og með hvaða hætti þeir vilja ná þessu. Við höfum alltaf afstýrt þessu. Það sem við sjáum núna er framhald af því sama.“
Að sögn Orbán hefur ESB-elítan reynt að „smygla“ inn ýmsum stjórnmálamönnum sem gætu tekið völdin af núverandi ríkisstjórn í Ungverjalandi en hingað til hefur það ekki borið árangur.
🔄 @PM_ViktorOrban: Since 2010, with increasing intensity and determination, Brussels has always wanted a change of government in Hungary. And not only in Hungary, but everywhere where there have been governments which are Patriotic, as opposed to the centralizing tendencies of… pic.twitter.com/aKuoFHZ5M6
— Zoltan Kovacs (@zoltanspox) December 19, 2024
