Yu-ting og Khelif. (Skjáskot Youtube).
Tveir karlar verða í úrslitum í fjaðurvigt og 66 kílóa flokki í ólympskum hnefaleikum kvenna. Imane Khelif frá Alsír vann undanúrslitaleik sinn á þriðjudag og Lin Yu-ting frá Taívan sigraði í undanúrslitum sínum á miðvikudaginn. Bæði Khelif og Yu-ting eru líffræðilegir karlmenn og hafa með hærra testósterónmagni sínu ekki átt í neinum vandræðum með að berja þær konur sem þeir hafa mætt til að komast í úrslit.
Khelif og Yu-ting hafa áður verið dæmdir úr leik í hnefaleikakeppnum, þar sem þeir eru með XY litninga og því karlkyns. Samt sem áður heimilar Ólympíunefndin þessum körlum að „keppa í kvennaflokki” á Ólympíuleikunum í París. Verður sýnt í beinni, þegar þessir menn halda áfram að berja konur í „keppninni.”
Í úrslitaleiknum á föstudaginn mætir Imane Khelif – Liu Yang frá Kína og Lin Yu-ting mætir Julíu Szeremeta frá Póllandi á laugardaginn.
Tveir karlmenn
Þó að viðkomandi hnefaleikakappar haldi því fram að þeir séu konur, var þeirri fullyrðingu hafnað af Alþjóða hnefaleikasambandinu (IBA) á blaðamannafundi fyrir nokkrum dögum. Að sögn Chris Roberts, yfirmanns IBA, var leikbann sett til að vernda kvenkyns hnefaleikakappa gegn meiðslum. Roberts sagði á blaðamannafundi:
„Niðurstöður litningaprófanna sýndu að báðir hnefaleikamennirnir voru óhæfir.”
Ioannis Filippatos, formaður lyfjanefndar Alþjóða hnefaleikasambandsins, var einnig viðstaddur blaðamannafundinn. Filippatos staðfesti að báðir hnefaleikamennirnir eru karlmenn.
„Samkvæmt niðurstöðum blóðrannsóknar á rannsóknarstofum, þá eru þessir hnefaleikamenn karlmenn.”
