Hollenski heimspekilögmaðurinn Eva Vlaardingerbroek gagnrýnir harðlega nýjan hervæðingarpakka framkvæmdastjórnar ESB til Úkraínu upp á 800 milljarða evra, jafnvirði 117.512.000.000.000 krónum (eitt hundrað sautján þúsund fimm hundruð og tólf milljörðum íslenskra króna sem er meira en samanlögð fjárlög íslenska ríkisins í 90 ár miðað við 2024). Hún segir að ákvörðun ESB „Endurvopnun Evrópu“ sé hættuleg stigmögnun sem stangist beint á við ákall Bandaríkjanna um frið og vopnahlé. Endurvopnun Evrópu er uppáskrifuð ávísun á þátttöku Evrópu í þriðju heimsstyrjöldinni.
Eftir að Volodymyr Zelenskyj, forseti Úkraínu, varð fyrir andstöðu frá Donald Trump og J.D. Vance í Bandaríkjunum, þá mun forysta Evrópusambandsins „gera vísvitandi hið gagnstæða gegn öllu því sem Trump leggur til.“
Forysta ESB í stríði gegn Donald Trump
Elíta ESB setur eigin valdastöðu ofar hagsmunum almennings. Vlaardingerbroek segir:
„Þeir sem stjórna okkur frá Brussel hafa misst vitið. Ursula von der Leyen hefur nú ein og sér ákveðið að senda 800 milljarða evra til Úkraínu, peninga sem skattgreiðendur ESB munu þurfa að borga fyrir.“
Vlaardingerbroek bendir á Þýskaland, þar sem Friedrich Merz reynir í skyndi að afnema „skuldabremsuna“ til að hægt sé að auka hernaðarlega aðstoð við Kænugarð.
„Annars væri það ólöglegt. Þeir eru að gera allt sem þeir geta til að sniðganga lýðræðið, sérstaklega áður en Valkostur fyrir Þýskaland, AfD, tekur sæti á þingi.“
Ætla að senda eigin hermenn til víglínunnar
Hún varar við því að aðgerðir ESB muni ekki aðeins kosta Úkraínumenn og Rússa lífið, heldur einnig breiða út stríðsátökin:
„Bráðlega senda þeir líka hermenn til víglínunnar. Þeir eru tilbúnir að láta syni okkar deyja fyrir Úkraínu. Valdhöfunum í Brussel er gjörsamlega sama um almenning.“
Forystumenn ESB hættulegir almenningi
Vlaardingerbroek fordæmir Ursulu von der Leyen sem „ókjörinn embættismann“ og segir leiðtoga ESB orðna „hættulega glanna.“
„Þeir stefna á þriðju heimsstyrjöldina fyrir peninga og völd. Á meðan Bandaríkin eru að taka skynsamleg skref, þá fer Evrópa ofan í hyldýpið.“
The Eurocrats have gone totally mad.@vonderleyen is reserving €800 BILLION in European defense spending to support Ukraine.
— Eva Vlaardingerbroek (@EvaVlaar) March 5, 2025
Their default position is to claim moral superiority by doing the exact opposite of anything @realDonaldTrump does – even if it unleashes World War III. pic.twitter.com/xnrECDAXDd
