RÚV básúnar út hatrömmum áróðri gegn Eldi Smára Kristinssyni, formanni LGB samtakanna sem áður hétu Samtökin 22 og segir hann „ala á ótta gegn trans fólki.“ Ásakar RÚV Eld Smára fyrir að hafa dreift plakati gegn trans fólki víða um höfuðborgarsvæðið:
„Blöðin eru merkt vefsíðu Elds Smára Kristinssonar, formanns Samtakanna 22, og hafa fundist meðal annars á Háskólatorgi og á Borgarbókasafninu. Fréttastofa hefur líka fengið ábendingar frá fólki sem fékk þetta blað í gegnum lúguna.“
Trans regnhlífin – Hræðilegt vopn gegn trans fólki
Hér að neðan má sjá hið hræðilega vopn Elds Smára gegn trans fólki á Íslandi.
RÚV ber fyrir sig „ritrýndum“ greinum og Samtökunum 78 en 300 meðlimir þeirra samtaka sögðust ekkert hafa með Samtökin 22 að gera. Ekki er gefið upp hverjir „ritrýnendur“ eru svo hér er í rauninni afsökun fyrir blaðamenn RÚV að skýla sér á bak við til að komast hjá því að stunda alvöru blaðamennsku.
Miðað við atlöguna gegn Eldi Smára mætti halda að trans hreyfinginn öll og hinsegin Ísland sé í hættu vegna hættulegra „mýta“ sem dreift er á blaðinu með trans regnhlífinni.
Fiskur undir steini
RÚV með einokun á auglýsingamarkaði fær yfir sex milljarða á ári í ríkisstyrk, Samtökin 78 hundruð milljóna og Eldur Smári og LGB samtökin 0 kr. RÚV fer inn á öll heimili í landinu með þvingaðri áskrift. Útbreiðsluáhrif Trans regnhlífarinnar eru því hverfandi miðað við útbreiðslumátt RÚV. Líkja má viðbrögðum RÚV við viðbrögð konunglega breska sjóhersins yfir ógnarvopni Íslendinga sem hnjaskaði breskar freigátur sem reyndu að sigla niður íslenska togara að veiðum í einu þorskastríðanna. Viðbrögð RÚV við trans regnhlífinni eru í engu samræmi við þá „hættu“ sem RÚV málar upp að trans og almenningi stafi af útbreiðslu plakatsins.
Og að sjálfsögðu minntist RÚV ekkert á að það var Barnaráðstefnan sem fyrst birti hið hræðilega plakat með trans regnhlífinni. Á Barnaráðstefnunni var Páll Vilhjálmsson einn ræðumanna en hann uppljóstraði um glæpsamleg vinnubrögð blaðamanna RÚV í byrlunarmálinu svo kallaða og er eitur í beinum RÚV eftir það.
Eldur Smári er í meiðyrðamáli gegn RÚV sem möguleiki er á að RÚV tapi. Hér er því um hefnd RÚV að ræða og tilraun til að hafa áhrif á útkomu dómstólsins að niðurlægja Eld Smára opinberlega. Samtímis lánar RÚV Samtökunum 78 sem lifa á ríkisstyrk afl sitt til að sverta önnur samtök í samkeppni við S78 á frjálsum markaði. RÚV brýtur gegn hlutleysisreglu með þessu athæfi. Samtökin 78 hafa kært Eld Smára og það mál er í rannsókn. Samtökin 78 vilja hafa einokun á ríkisstyrkjum til samkynhneigðra og því um stuðning RÚV að ræða við S78 svo ríkistekjur þeirra minnki ekki. Samtökin 78 kærðu Pál Vilhjálmsson fyrir hatursumræðu gegn trans fólki og töpuðu málinu en Páll Vilhjálmsson er sameiginlegur óvinur RÚV og S78.
Það eru því réttarfarslegir hagsmunir RÚV og ríkisstyrkir til RÚV og Samtakanna 78 sem eru að baki níðs RÚV á Eldi Smára. Í venjulegum réttarfarsmálum er talið að blaðamenn kunnir málavöxtum taki ekki fram fyrir hendur réttvísinnar með afstöðu/upplýsingum sem geta haft áhrif á niðurstöðu dómsins.
RÚV býr til hatursmál til að níða niður Eld Smára opinberlega sem hættulegan einstakling gegn trans fólki í því skyni að persóna hans verði rýrð í meiðyrðamáli hans gegn RÚV.
Vonandi tekur dómstóllinn mið af þessu og dæmir Eldi hærri skaðabætur en ella eða sektar RÚV þungum sektum fyrir misbeitingu valds til að fyrir fram hafa áhrif dómsniðurstöðu sér í vil.
Það sem er svo hræðilegt fyrir RÚV og Samtökin 78 er að komið hefur í ljós að Eldur Smári, Páll Vilhjálmsson, Helga Dögg Sverrisdóttir, Ina Stenke, Snorri Másson m.fl. eru að vinna að verndun barna á Íslandi. Það má ekki undir neinum kringumstæðum fréttast, því þá hrynur pólitíski rétttrúnaðargrundvöllur þessara stofnana að lifa áfram á ríkisstyrkjum.