Norska olíufélagið Haltbakk Bunkers neitar að selja olíu til bandarískra herskipa í Noregi. Þetta er afleiðing af upplausn fundarins á milli Zelensky, forseta Úkraínu, og forseta Bandaríkjanna og varaforseta á blaðamannafundi í Oval Office.
Olíufélagið gagnrýnir Donald Trump Bandaríkjaforseta og J.D Vaance, varaforseta, harðlega. Félagið segir Bandaríkjamenn hafa stungið Zelensky og Úkraínu með rýting í bakið. Þeir munu þegar í stað stöðva afhendingu eldsneytis til bandarískra herskipa í höfnum og á hafi við Noreg. Þeir hvetja önnur fyrirtæki til að gera slíkt hið sama. Zelensky sem hingað til hefur fengið allt sem hann biður um, peninga og vopn, opinberaði sig sem sálarlausan stríðsherra í Hvíta húsinu og sagði Donald Trump eftir fundinn (sjá rumble að neðan), að Zelensky vildi ekki frið, hann vildi áframhaldandi stríð og myndi nota peninga til að halda stríðu gangandi áfram í óþökk Bandaríkjamann.
After yesterday's events in the White House, Haltbakk Bunkers, one of Norway's largest marine fuel companies, appears to have announced that it will no longer refuel American Navy vessels.
— OSINTtechnical (@Osinttechnical) March 1, 2025
Haltbakk has called on other European companies to refuse service to American forces. pic.twitter.com/8OmCrMAgDR
Yfirlýsing norsku ríkisstjórnarinnar
Gunnar Gran eigandi Haltbakk Group segir í viðtali við viðskiptablað Kystens að hann muni ekki selja líter af olíu til bandaríska hersins fyrr en „búið er að ganga frá Trump.“ Hann hvetur önnur olíufyrirtæki til að setja bandarísk herskip í viðskiptabann.
Norska ríkisstjórnin átti engra annarra kosta völ en að grípa inn í. Tore O. Sandvik varnarmálaráðherra sendi frá sér opinbera yfirlýsingu þar sem hann staðfestir að norska ríkisstjórnin styðji ekki fáránlega ákvörðun Haltbakk Bunkers og að bandaríski herinn muni halda áfram að fá allan nauðsynlegan varning í Noregi.
„Við höfum fengið fréttir sem vekja áhyggjur um birgðir til skipa bandaríska sjóhersins í Noregi. Þetta er ekki í samræmi við stefnu norskra stjórnvalda. Ég get staðfest að öll sú hjálp sem óskað hefur verið eftir hefur einnig verið veitt.“
„Bandaríkin og Noregur halda uppi nánu og öflugu varnarsamstarfi. Bandarískar hersveitir munu halda áfram að fá þær birgðir og aðstoð sem þær þurfa frá Noregi.“
