Zohran Mamdani sem lýsir sjálfum sér sem Demókrata-sósíalista og gagnrýnir Ísrael harðlega hefur tryggt sér tilnefningu Demókrata til borgarstjóraembættisins í New York borg. Í forkosningunum sigraði hann fyrrverandi ríkisstjórann Andrew Cuomo.
Cuomo, sem var að leita að endurkomu í stjórnmálum eftir að hafa sagt af sér vegna ásakana um kynferðisbrot, játaði sig sigraðan áður en atkvæðagreiðslunni lauk, þar sem múslímski sósíalistinn Zohran Mamdani náði óbrúanlegu forskoti í fyrsta sætið. Cuomo sagði:
„Í kvöld er hans kvöld. Hann átti það skilið. Hann vann.“
Mamdani bauð sig fram með stefnu sem líkisthelst misheppnuðum sósíalískum stjórnum í heiminum: Allt á að vera ókeypis, öll þjónusta undir stjórn ríkisins og eigendum eigna refsað með frystingu leigu.
En það er ekki bara hin hættulega efnahagsáætlun hans sem veldur fólki áhyggjum – hann á langa hatursfulla sögu að baki gegn Ísrael, sem gyðingahatari með bandarískt orðbragð sem fær gyðingaleiðtoga til að hvetja félög gyðinga til að alfarið yfirgefa borgina. Repúblikanabandalag gyðinga (RJC) skrifaði á X:
„Rýmið New York borg tafarlaust. Þökkum ykkur fyrir að veita þessu máli athygli.
Í kvöld hafa Demókratar enn og aftur brugðist samstöðu með bandarískum gyðingum – að þessu sinni í New York borg.
And-bandaríski gyðingahatarinn og and-ísraelíski demókrata-sósíalistinn Zohran Mamdani mun verða algjör hörmung fyrir búsetta gyðinga í borginni. Og leiðtogar Demókrata, öldungardeildarþingmaðurinn Chuck Schumer, þingmaðurinn Hakeem Jeffries og fylkisstjórinn Kathy Hochul, horfa á þetta gerast. Þögn þeirra, vanræksla á skyldum sínum og uppgjöf fyrir þessu brjálæði er vandræðaleg og aumkunarverð.
Þetta er enn ein staðreyndin sem sannar það sem er orðið óumdeilanlegt: Demókratar halda áfram að tilnefna og styðja róttæka öfgamenn sem eru í grundvallaratriðum andvígir gildum og hagsmunum gyðingasamfélagsins.
Svo lengi sem þeir neita að breyta um stefnu munu þeir halda áfram að svipta gyðingum öllum stuðningi.“
Sem sigurvegari í forkosningum Demókrataflokksins mun Mamdani komast áfram í almennu kosningunum og vafalaust eiga góða möguleika á að verða borgarstjóri New York borgar. Mamdani sagði í sigurræðu sinni:
„Í kvöld skrifuðum við sögu. Ég verð frambjóðandi ykkar fyrir Demókrataflokkinn til borgarstjóra í New York borg.“