Robby Starbuck, músíkmyndbandaframleiðandi, gagnrýnir ásamt mörgum öðrum umskipti mótorhjólafyrirtækisins Harley Davidson. Margir mótorhjóla áhugamenn þekkja ekki fyrirtækið eftir breytinguna. Starbuck vekur athygli á nýjum innri leiðbeiningum fyrirtækisins, þar sem hvítir karlmenn – og aðeins hvítir karlmenn – eru sendir í „fjölbreytileikaþjálfun.“ Harley Davidson fjármagnar einnig Pride-atburði sem beinast að börnum.
Harley Davidson mótorhjólamerkið á sér veglegan sess hjá áhugamönnum mótorhjóla um allan heim. Harley Davidson hefur í gegnum tíðina tengst hugsjónum um frelsi og hefðbundin amerísk gildi og uppreisnaranda gegn óþarfa skriffinnsku. Núna eru aðdáendur mótorhjóla gramir yfir rétttrúnaðarumskiptum fyrirtækisins. Robby Starbuck upplýsir, að Harley-Davidson styðji vinstra-frjálshyggjufrumvarp seim heimilar líffræðilegum körlum, sem telja sig transkonur, aðgang að búningsklefum kvenna og kvennaklósettum.
Starbuck gagnrýnir harðlega, að fyrirtækið hafi fjármagnað Pride-viðburð „fyrir alla aldurshópa“ þar sem meðal annars sögulestur dragdrottningar var hluti af dagskránni. Starbuck nefnir fleiri dæmi um vinstristefnu fyrirtækisins og segir:
„Harley-Davidson hefur verið eitt ástsælasta vörumerkið í Ameríku en undir stjórn forstjórans Jochen Zeitzs, er það orðið algjörlega vók.“
Vinny Terranova, eigandi Pappy’s Vintage Cycles í Sturgis, Suður-Dakóta segir:
„Þetta er sjálfsmorð. Margir mótorhjólamenn fara yfir í indversk vörumerki. Þeir hafa drepið Harley. Hjarta mitt brestur.“
„Harley sem kostaði $30.000 fyrir örfáum árum kostar núna aðeins $4.000. Fólk vill ekki einu sinni vera bendlað lengur við Harley.“
Borið saman við Bud Light
Staða Harley-Davidson hefur verið borin saman við hrun bjórframleiðandans Bud Light árið 2023, þegar bjórmerkið hóf að markaðssetja vörur sínar í samvinnu við trans aðgerðarsinnann og áhrifavaldinn Dylan Mulvaney. Bjórsalan hrundi og fyrirtækið rústaði tryggum markaði með umbreytingunni. Bud Light skipti til baka ímynd sinni en skaðinn var þegar gerður og gagnrýnin á bjórframleiðandann var miskunnarlaus.
Hvaða afleiðingar „hin nýja ímynd“ mótorhjólaframleiðandans mun hafa til lengri tíma á eftir að koma í ljós, en á hinni árlegu Harley-Davidson hátíð, í Milwaukee í síðasta mánuði, voru 25% færri þátttakendur en venjulega. Það hefur einnig vakið illt blóð, að fyrirtækið breytti klassísku lógói sínu í „nútímalegri“ hönnun sem meira er til samræmis við rétttrúnaðarbullið.
