Þýski kanslarinn Friedrich Merz varar Bandaríkin við því að reyna að hafa áhrif á fylkiskosningarnar í Þýskalandi. Ummælin koma í kjölfar þess að stjórnvöld í Washington kynntu nýja styrkjaáætlun fyrir evrópsk samtök sem vinna fyrir mannréttindi eins og málfrelsi.
Bandaríska utanríkisráðuneytið býður styrki að fjárhæð allt að 3 milljónum Bandaríkjadala til verkefna sem snúa meðal annars að fullveldi ríkja, innflytjendamálum, ritskoðun og svo kallaðri pólitískri misnotkun réttarkerfisins (lawfare).
Auglýsingin um styrkina beinist að góðgerðarsamtökum, hugveitum og einstaklingum. Samkvæmt textanum geta einnig opinberar stofnanir sótt um. Verkefnin eiga að tengjast sameiginlegri arfleifð vestrænnar siðmenningar.
Kanslarinn Friedrich Merz sagði á blaðamannafundi í Berlín að hann vildi ekki sjá neina bandaríska íhlutun í þýsku fylkiskosningarnar í september.
– Við skiptum okkur ekki af bandarískum kosningum. Á sama hátt vil ég ekki að bandaríska ríkisstjórnin eða stofnanir henni tengdar skipti sér af þýskum kosningum.
Kanslarinn benti jafnframt á að samkvæmt þýskum lögum sé óheimilt að fjármagna stjórnmálaflokka frá útlöndum.
Sósíalíska The Guardian hefur eftir ónafngreindum (hvað annars) fv. bandarískum embættismanni að stjórn Trumps sé að fjármagna hægri sinnaða stjórnmálaflokka í Evrópu:
– Það virðist sem utanríkisráðuneytið sé að reyna að hafa áhrif á niðurstöður evrópskra kosninga og veita hægriflokkum ósanngjarnt forskot með fjármunum sem þeir myndu venjulega ekki hafa aðgang að, sagði fyrrverandi embættismaður í bandaríska utanríkisráðuneytinu í samtali við The Guardian.
Bandaríska utanríkisráðuneytið hafnar því að fjármunirnir eigi að renna til stjórnmálaflokka og segir að áætlanirnar séu eingöngu ætlaðar til að styðja mannréttindi. Fulltrúi ráðuneytisins skrifar:
„Þessir fjármunir eru ekki aðgengilegir fyrir stjórnmálaflokka“