Íris Erlingsdóttir ræðir um Mæðraveldismaníuna sem hefur skapað ójöfnuð á milli kynjanna eins og sést skýrt á Íslandi en aldrei áður hafa jafn margar konur verið í leiðandi stöðum og núna. Nærtækt er að nefna ríkisstjórnina, sem gengur undir nafninu Valkyrjustjórnin vegna þriggja kvenna sem leiða ríkisstjórnarflokkana þrjá. Íris Erlingsdóttir segir að við búum í mæðraveldi sem er ekki endilega gott eins og árangurinn ber með sér í 700% hærra fasteignaverði. Íslendingar eiga heimsmet í neyslu þunglyndislyfja svo eitthvað vantar upp á hamingju landsmanna.
Íris Erlingsdóttir segir tímabil mæðravelda engar góðar fréttir, þar sem slík veldi verða ekki langlíf í mannkynssögunni. Hún ræðir mismun kynjanna, líkamlega og andlega og segir konur í eðli sínu verndara barnsins á kostnað heildarinnar og stjórnunarferlið felst í að ræða málin með persónulegum dæmum, draumórum og tilfinningum frekar en með rökum, staðreyndum og raunveruleika. Samfélagið hefur gleypt við þeirri lygi femínista að karlmennska sé í eðli sínu eitruð, að það sé ekkert til sem heitir góð karlmennska aðeins eitruð karlmennska.
Af hverju er allt verra í vestræna valkyrjumesta draumalandinu?
Íris segir karlmönnum ekki frekar en konum eiginlegt að bæla niður karllæga eiginleika sína og lúta konum. Ef foreldrarnir geyma þá í kjallaranum í 30 ár og banna þeim að nýta karlmennsku sína verður útkoman þjóðfélag eins og við höfum í dag sem er knúið áfram af tilfinningum, draumórum og meðvirkni í stað raunsæis, dómgreindar og hugrekkis. Hún nefnir morðtilræðið við Donald Trump þar sem kvenlegur öryggisvörður kraup niður í ósjálfráða varnarstöðu í stað þess að kasta sér yfir forsetann og verja hann með líkama sínum.
„Ég er alls ekki að gagnrýna þessa konu. Þetta voru eðlileg, kvenlæg viðbrögð við hættu. Þetta var raunveruleikatékk frá raunveruleikanum.“
Íris segir marga leiðtogaeiginleika vera karllæga en það þýði engan veginn að konur geti ekki verið leiðtogar. Mýmmörg dæmi sanna einmitt kvenkyns leiðtoga. Hins vegar krefjist stjórnun heildarinnar oftar ákveðni, skarpskyggni, staðfestu, raunsæi og í sumum tilvikum miskunnarleysi, dómhörku og árásargirni með áherslu á bætt kjör hópsins, fremur en samúð með einstaklingnum.
„Karlmenn færa fórnir fyrir samfélög – konur færa fórnir fyrir afkvæmi sín og fjölskyldu. Að senda konur í fremstu víglínur orrusta og út á stræti stórborga til að ráða við blindfulla brjálæðinga veifandi vopnum – með hverju? Sáttahæfileikum og orðum? Þessi dauðadómur yfir konum á altari femínisma er perversjón.“
Trantífa
Margt fleira bar á góma til dæmis mikil fækkun á kynbreytingarferli unglinga en yfirvöld hafa á mörgum stöðum bannað slíkar aðgerðir. Gústaf spurði Íris um árásirnar gegn Elon Musk og bílafyrirtæki hans Tesla í Bandaríkjunum en fréttir hafa borist um mikla eyðileggingu á eigum Tesla. Í borg eftir borg í Bandaríkjunum hafa öfgahópar ráðist á bílaumboð Teslu, kveikt í Teslu bílum og eyðilagt hús og hleðslustöðvar. Er um hrein skemmdarverk að ræða þar sem mannslífum er stofnað í hættu og því í raun um innlenda hryðjuverkastarfsemi að ræða.
Orðið Trantifa er samsett orð úr Trans og Antifa sem er nafn á öfga vinstri samtökum. Öfga vinstri transhópar hafa sameinast með Antifa og valda þessum spjöllum í dag. Hér má lesa grein Newsweek um málið.
Einhver angi þessarar hreyfingar hefur náð til Íslands án nokkurs hljómgrunns sem betur fer.
Búið væri að leggja Ástráð í einelti og krossfesta
Talið barst að afsögn Ásthildar Lóu Þórsdóttur, barnamálaráðherra, úr ríkisstjórn Íslands sem orðið hefur frétt út um allan heim. Í Svíþjóð birtu blöðin frétt með fyrirsögninni „Barnamálaráðherrann átti barn með barni.“ Íris Erlingsdóttir segir:
„Ef að dæminu hefði verið snúið við, ég gat ekki stillt mig um að segja í morgun á Facebook, þegar einhver var að hneykslast á öllu eineltinu gagnvart konunni, að ef Ásthildur hefði verið Ástráður, þá væri sennilega búið að einelta Ástráð alla leið upp á Golgata hæð og krossfesta hann þar. Ef um væri að ræða karlmann sem hefði gert 15 ára stúlku ófríska, þá hefði hann aldrei neitt komist áfram í pólitík, hvorki hér né á Íslandi.“
Hlusta má á viðtalsþáttinn hér að neðan: