Emmanuel Macron, forseti Frakklands, er orðinn reyndur pólitískur flóttamaður frá öllum daglegu kreppum í forsetatíð sinni. Mest af því sem hann gerir er að afneita öllu til dæmis: „Þetta var ekki kókaínpoki í lestinni, þetta var bara krumpuð servíetta“ – „Frakkland blandaði sér ekki í rúmensku kosningarnar“ – „Hún gaf mér ekki kjaftshögg fyrir framan myndavélarnar í Víetnam, þetta var bara glens og gaman“…
Macron reynir núna að neita því sem hans eigin ríkisstjórn hefur afhjúpað: Áframhaldandi hættuleg innrás Múslímabræðralags íslams í Frakkland og út um alla Evrópu. Sjálfsagt hefur þú lesandi góður þegar giskað, hvað hann sagði: „Gætið ykkur á því að vera að dreifa samsæriskenningum.“ Það er rétt, hann sagði þetta enn og aftur.
Frakkland varð fyrir miklu áfalli í síðustu viku vegna skýrslu sem innanríkisráðuneytið gaf út. Í skýrslunni kemur fram að Múslímabræðralagið hefur verið að lauma sér inn í stofnanir ESB, íslömsk samtök og innflytjendasamfélög með aðeins eitt skýrt markmið: að koma á Sharia-lögum á Vesturlöndum.
Breitbart greindi frá því að Macron reyndi að gera lítið úr skýrslunni sem vakið hefur óhug um alla álfuna. Í athugasemdum sem Le Figaro greindi frá viðurkenndi Macron að innrás Múslímabræðralagsins hefði verið greind í „sumum hverfum“ en sagði að almenningur „ætti ekki að halda að þeir væru alls staðar, því það gæti gert mann samsærissinnaðan eða kolbrjálaðan.“
Jean-Luc Mélenchon, leiðtogi vinstri flokksins La France Insoumise, hefur stimplað skýrsluna sem „íslamófóbíska“ og fulla af „samsæriskenningum“ öfgahægri afla. Í skýrslunni er tekið fram að Múslímabræðralagið noti sérstaklega herferðir gegn „íslamófóbíu“ til að safna stuðningi og öðlast lögmæti á opinberum vettvangi, þar sem þeir geta aflað stuðnings vinstri manna.
Mélenchon líkti viðvörunum við áhrifum róttækra íslamista við gyðingahatur í aðdraganda seinni heimsstyrjaldarinnar og skrifaði að „eftir „samsæri gegn gyðingum“ á fjórða áratug síðustu aldar er hér á ferðinni „samsæri gegn múslímum.“ Skýrslan var gefin út af Bruno Retailleau, innanríkisráðherra Frakklands, sem talið er að sé kominn í gang með eigin forsetakosningabaráttu. Hann réðst á vinstrimenn fyrir að verja Múslíma-Bræðralagið og sagði þá „samseka og nothæfa fábjána fyrir íslamismann.“