Bandaríski ofurstinn Douglas Macgregor segir í nýju viðtali við Daniel Davis (sjá Youtube að neðan) að núverandi leiðtogar Evrópusambandsins – Glóbalistarnir – vilja halda stríðinu í Úkraínu áfram, þar sem þeirra eigin framtíð er í hættu, því enginn vilji hafa þá lengur í Evrópu.
Samkvæmt Macgregor vilja glóbalistarnir í Bandaríkjunum og Evrópu halda stríðinu áfram. Stríðið snýst ekki um að „verja Evrópu” heldur um „að ráðast á Rússland.” Það mun ekki virka, það er mikill munur á árásarstríði og varnarstríði segir Macgregor.
Búið er að breyta Úkraínu í kirkjugarð útskýrir Macgregor. Vegna þess að Úkraína hefur verið notuð gegn Rússlandi. Úkraína hefur verið eyðilögð fyrir markmið sem ekki er hægt að uppfylla: Að eyðileggja Rússland.
Donald Trump á í erfiðleikum með að stöðva stríðið, þar sem hann er umkringdur af glóbalistum sem vilja halda stríðinu áfram. Macgregor segir:
„Trump er enginn glóbalisti en hann er höndunum á glóbalistunum og er dreginn í áttir sem hann væri sjálfsagt ekki að fara í að óskiptu.”
Stjórnmálamenn Evrópu hafa lúmska dagskrá sem gengur út á að halda stríðinu áfram. Macgregor segir:
„Þeir hafa engan áhuga á að leysa stríðið. Þeir hafa áhuga á að halda því áfram, því klukkan slær fyrir glóbalistana sem eru á mörkum þess að hverfa til sögunnar. Þeir eiga enga framtíð. Það er augljóst. Það er fullkomlega skýrt í Evrópu í dag. Þeir þurfa á stríðinu að halda til að réttlæta eigin tilveru.”
Hér að neðan er fyrst stuttur bútur og viðtalið allt á Youtube þar fyrir neðan: