Morðið á Charlie Kirk í gær skekur Bandaríkin og allan hinn vestræna heim. Charlie var aðeins 31 árs gamall og skilur eftir sig konu og tvö ung börn. Hann var trúaður kristinn maður, stofnandi Turning point og ferðaðist út um allt land og breiddi út sjónarmið íhaldsmanna. Kristin trú er grundvöllur flestra íhaldsmanna og það þola ekki trúlausir sem boða fleiri kyn en þau tvö sem guð skapaði.
Gríðarlegar umræður eru ekki bara í Bandaríkjunum heldur í allflestum lýðræðisríkjum heims, þar sem orðfar og ofstæki margra vinstri manna sem útmála alla íhaldsmenn sem fasista, rasista eða nasista hefur leitt andrúmsloft árekstra og að mati sumra til hrottaverka eins og morðið á Cherlie Kirk. Kirk var hermaður Krists og bæði hann og aðrir kristnir eiga ekki að þurfa að fara í felur með trú sína. Yfirgengilegur frekjuháttur framámanna transhugmyndafræðinnar sem afneita tveimur kynjum og merkja stuðningsmenn sína til að skilja þá „góðu frá þeim vondu“ er liður í skerpingu mótsetninga á milli hægri og vinstri.
Bandaríkjaforseti ávarpaði þjóðina
Donald Trump Bandaríkjaforseti sagði meðal annars í ávarpi til þjóðarinnar (sjá X að neðan):
„Það er löngu kominn tími til að allir Bandaríkjamenn – og fjölmiðlar – horfist í augu við þá staðreynd að ofbeldi og morð eru hörmuleg afleiðing þess að djöflavæða þá sem maður er ósammála, dag eftir dag, ár eftir ár, á eins hatursfullan og fyrirlitlegan hátt og mögulegt er.
Í mörg ár hafa þeir sem eru á róttæka vinstri vængnum líkt frábærum Bandaríkjamönnum eins og Charlie við nazista og verstu fjöldamorðingja og glæpamenn heims. Þessi orðræða ber beina ábyrgð á hryðjuverkunum sem við sjáum í landi okkar í dag og hana verður að stöðva núna.“
Trump lýsti morðum og morðtilræðum frá árásinni á eigið líf í Butler í Pennsylvaníu í fyrra sem tók líf slökkviliðsstjóra á áheyrendapöllum, til árása á starfsmenn innflytjendaþjónustunnar, til hins grimmilega morðs á heilbrigðisstjóra á götum New York, til skotárásarinnar á Steve Scalise, leiðtoga meirihlutans í fulltrúadeildinni, og þriggja annarra. Trump segir róttækt ofbeldi vinstri manna hafa sært of marga saklausa einstaklinga og kostað of mörg líf.
„Í kvöld bið ég alla Bandaríkjamenn að skuldbinda sig að þeim bandarísku gildum sem Charlie Kirk lifði og dó fyrir: gildum tjáningarfrelsis, ríkisborgararéttar, réttarríkis og þjóðrækni og kærleika Guðs.
Charlie var það besta sem Bandaríkin standa fyrir og skrímslið sem réðst á hann réðst á allt landið okkar. Morðingi reyndi að þagga niður í honum með kúlu – en mistókst, því saman munum við tryggja að rödd hans, boðskapur og arfleifð mun lifa áfram um óteljandi kynslóðir fram í tímann.
Í dag, vegna þessa hræðilega athæfis, hefur rödd Charlie orðið stærri og glæsilegri en nokkru sinni fyrr …..
Megi Guð blessa minningu hans. Megi Guð vaka yfir fjölskyldu hans. Og megi Guð blessa Bandaríkin.“
Takk fyrir.
Á myndbandinu hér að neðan má sjá, líklega morðingjann, hlaupa burtu á þaki nálægrar byggingar:
Lauren Boebert tók upp á Bandaríkjaþingi að Charlie Kirk yrði minnst í þögulli bæn en demókratar öskruðu NEI þannig að forseti þingsins varð að beita hörðu til að koma ró á i þingsalinn:
Steve Bannon, fyrrum ráðgjafi Hvíta hússins, er inni á sömu línu og Trump og segir morðið á Charlie Kirk vera árás á Bandaríkin og það sem þau standa fyrir:
Vinstri menn fagna margir morðinu og velta upp úr sér þvílíkum viðbjóði á samfélagsmiðlum að það er ekki hafandi eftir hér. Ofbeldi og morð virðist vera fagnaðarerindi þeirra. Eldur Smári Kristinsson birtir sumt af viðbjóðnum á facebókarsíðu sinni. Sem formanni Samtakanna 22 er honum málið skylt, því sumir af ofstækisfyllstu talsmönnum transhugmyndafræðinnar tilheyra þeim sem fagna morðinu á Charlie Kirk.
Í Noregi varð femínistaleiðtoginn Amrit Kaur hjá Rauðri Æsku að segja af sér formennsku eftir að hafa gert grín að morðinu á Kirk. Varaformaðurinn sagði af sér og móðurflokkurinn neyddist til að gefa út yfirlýsingu um að flokkurinn styddi ekki ofbeldi og morð á stjórnmálaandstæðingum.
Í Svíþjóð er eiginlega ekkert rætt um neitt annað en morðið og hafa vinstri menn hellt þvílíkum fnyk yfir Svía að mörgum blöskrar. Sama hér og á Íslandi sem sagt. Meira um það síðar.
Á ESB-þinginu stóðu íhaldssamir þingmenn upp og minntust Charlie í óþökk fundarstjórans sem bannaði að Charlie Kirk yrði minnst:
The EU Parliament denies a minute's silence to remember Charlie Kirk, and Conservatives still stand to honor him. EU politicians are our real enemies. pic.twitter.com/1S8z0FVBk1
— RadioGenoa (@RadioGenoa) September 11, 2025