Hallur Hallsson skrifar:
Fréttamaðurinn Lou Dobbs er látinn, 78 ára að aldri, einn kunnasti fréttamaður sinnar tíðar í Bandaríkjunum. Lou Dobbs hóf störf á CNN árið 1980. Hann fór á Fox Business News fyrir fimmtán árum þar sem hann lengst af var með þáttinn „Lou Dobbs Tonight.” Lou Dobbs naut mikils trausts viðskiptalífsins og borgarasinnaðs fólks. Þegar hinar umdeildu kosningar í nóvember 2020 fóru fram, var Dobbs með fréttir af kosningasvikum demókrata. Lou Dobbs var með röð frétta um kosningasvikin, þar á meðal uppljóstara Póstsins sem flutti 200 þúsund ólögleg póstatkvæði frá New York til Pennsylvaníu á kosninganótt. Dobbs var ofsóttur og rekinn.
1.265 MANNS SAKSÓTTIR
Í Bandaríkjunum hafa staðið yfir mestu pólitísku ofsóknir vestrænnar sögu. Mestu pólitísku ofsóknir frá dögum Maó og Stalín. Alls hafa saksóknarar Biden-stjórnarinnar saksótt 1.265 manns frá fimmtíu fylkjum vegna 6Jan mótmælanna, þar af 460 verið varpað í fangelsi. Reynt var að dæma Trump úr embætti; Impeach vegna Rússagaldurs og Úkraínu allt lygi. CIA & FBI lugu sex vikum fyrir kosningar 2020 að tölva Hunter sonar Biden hafi verið runnin undan rifjum Pútins. Í vikunni vísaði dómari frá máli Biden-stjórnarinnar vegna leyndarskjala í vörslu Trump. Þegar pólitískar ofsóknir virkuðu ekki heldur þvert á móti juku vinsældir Trump, var gula karlinum sýnt banatilræðið í Pennsylvaníu.
TUCKER AFHJÚPAÐI 6JAN
Tucker Carlson afhjúpaði 6.Janúar 2021, stýringu FBI á fólkinu inn í þinghúsið og sýndarréttarhöld Þingsins. Tucker var rekinn. Lou Dobbs var virtasti fréttamaður Fox og Tucker Carlson vinsælasti. Þeir voru kunnustu fréttamenn Ameríku sem reknir voru fyrir fréttir af kosningasvikunum sem bannað er að nefna í Ameríku. Á Fox var Tucker með um 6 milljóna áhorf en áhrifameiri en nokkru sinni á sinni eigin sjónvarpstöð TCN; Tucker Carlson News, tug milljóna áhorf. Í tilfelli viðtals við Trump yfir 200 milljóna áhorf og viðtal við Pútin yfir milljarð. Í 2000Mules heimildamyndinni 2022 skráði Denis D’Souza margslungna atkvæðasmölun þúsunda “múldýra” demókrata. Í desember 2023 birtu Heartland Institute og Rasmussen stofnunin könnun sem sýndi að fimmti hver kjósandi játaði víðfem kosningasvik með póstatkvæði.. Öll umræða er bönnuð og fólk sem efast um úrslitin 2020 ofsótt. Líkt og á Íslandi er allri frjálsri umræðu sópað undir teppi. Vesturlönd lúta forystu heilabilaðs Biden en að baki luktum dyrum er harðsvíruð fasísk skuggastjórn.
