Í þeirri pólitísku rétttrúaðar trans- og kynjamóðursýki sem hefur herjað í íþróttaheiminum, þá hafa karlmenn komist upp með að skilgreina sig ranglega sem konur til að keppa í kvennaíþróttum. Núna hefur enn ein konan orðið fórnarlamb þessarar móðursýkishugmyndafræði. Unglingsstúlka sem varð fyrir heilaskaða eftir að hafa spilað blak á móti transkonu sem grínaðist að fórnarlambinu í kjölfarið.
Payton McNabb var 17 ára þegar hún tók þátt í blakkeppni kvenna árið 2022. Transkona í liðinu sem McNabb keppti við skaut svo öflugum blakbolta í andlit hennar að hún féll á gólfið og missti meðvitund. Transkonan er sögð hafa hlegið yfir frammistöðunni sem leiddi til þess að Payton McNabb hlaut heilaskaða og lamaðist öðrum megin á líkamanum og á erfitt með að ganga án þess að detta. Atburðurinn batt enda á draum hennar um námsstyrk. Sjá má myndskeið af atburðinum hér að neðan:
McNabb, sem er 19 ára í dag, bregst hart við því að tvær transkonur fái að keppa í hnefaleikum á Ólympíuleikunum á móti líffræðilegum konum og óttast að þær gætu orðið fyrir verri meiðslum en hún varð sjálf fyrir.
McNabb bendir á að það sé líffræðilegur munur á transkonum – það er að segja líffræðilegum körlum – og konum og að það sé hættulegt að þær keppi hverjar við aðra. Hún segir:
„Þessar konur hafa lagt svo hart að sér og æft sleitulaust til að komast alla leið á Ólympíuleikana, allt til þess að strákur geti gefið þeim kjaftshögg í andlitið. Það var áður ólöglegt fyrir karlmenn að berja konur en núna er það útvarpað og sjónvarpað í beinni og fólk horfir á það. Þetta er svo undarlegur veruleiki sem við búum við núna.“
Alsírbúinn Imane Khelif og Taívanska Lin Yu-Ting mega keppa í ólympskum hnefaleikum kvenna þrátt fyrir að hafa báðar fallið á svokölluðu kynhæfisprófi vegna hás testósterónmagns og ekki fengið að taka þátt í heimsmeistaramótinu. Samkvæmt IBA sýndu prófin einnig að þau væru með XY-litninga.
