Miðillinn Samnytt í Svíþjóð tók viðtal við Maríu Rosander, sem hefur starfað sem lögreglukona í 17 ár og er núna flokksleiðtogi Svíþjóðardemókrata í Uppsölum. Þegar Samnytt tók viðtal við hana fyrir tveimur árum lýsti hún Svíþjóð þar sem skotárásir og sprengjuárásir væru hluti af daglegu lífi og lögregluna skorti úrræði til að bregðast við þróuninni. Í dag segir hún Samnytt að greinileg breyting hafi orðið. En á sama tíma og ofbeldi glæpagengja hafi verið þrýst til baka varar hún við mun stærra samfélagsvandamáli – íslamvæðingu og uppgangi hliðstæðra samfélagskerfa sem hún telur að Svíþjóð þori enn ekki að ræða opinskátt.
Maria Rosander, sem hefur starfað í lögreglunni í 17 ár og leiðir Svíþjóðardemókrata í Uppsala, sagði að hert refsilöggjöf væri farin að draga úr skotárásum og sprengjuárásum sem hafa hrjáð Svíþjóð síðasta áratuginn. Hún telur hins vegar að slíkar aðgerðir geti ekki tekist á við trúarlega aðskilnaðarsinna, íslamska öfgahyggju og tregðu sumra innflytjendasamfélaga til að aðlagast sænsku samfélagi.
Rosander lýsir þeim erfiðu aðstæðum sem sænskir lögreglumenn þurfa að glíma við í starfi sínu eftir að glæpastarfsemi innflytjenda jókst gríðarlega á síðasta áratug. Aðeins á síðasta ári voru skráðar 189 sprengjuárásir í landinu (auk nærri þrjú hundruð áforma sem tókst að koma í veg fyrir) og 158 skotárásir. Sú tala er þó tiltölulega lág miðað við metárið 2022 þegar þær voru 391.
Rosander sagði ljóst að nýlegar umbætur á sviði refsiréttar – þar á meðal þyngri refsingar, aukið eftirlit, meiri heimildir til leynilegra aðgerða og betra samstarf milli lögregluumdæma – skili árangri, en enn sé langt í land.
Sérstaklega eigi það við um trúarlegan aðskilnað, skort á aðlögun að sænsku samfélagi og þá ógn sem fylgi vaxandi íslamvæðingu, vandamál sem hert refsilöggjöf geti hvorki leyst né muni leysa ein og sér.
„Við leyfum íslamvæðingunni smám saman að festa rætur þar til við verðum ekki lengur fær um að segja nei,“ sagði Rosander. „Samfélagið molnar sundur innan frá.“
Hún nefndi nýju moskuna í Uppsölum sem dæmi – Stenhagen Mosque Islamic Center, sem nú er í byggingu og er ætlað að taka allt að 1.200 tilbeiðendur. Rosander lýsti henni sem tákni aðskilnaðar, heiðurstengdrar kúgunar og ójafnrar stöðu kvenna. Hún sagði að múslimskir innflytjendur hunsuðu oft kvenkyns lögreglumenn og að stúlkum á aðskildum svæðum væri haldið utan við opinbert samfélagslíf.
Þess vegna kallar stjórnmálakonan úr röðum Svíþjóðardemókrata eftir því að bygging nýju moskunnar verði stöðvuð. Jafnframt vill hún takmarka notkun níqab og búrku á almannafæri og algjört bann við því að börn klæðist íslömskum slæðum.
Aðskilnaðurinn skapar einnig svigrúm fyrir margs konar fjármálabrot, þar á meðal skipulagða misnotkun velferðarkerfisins, rangar skráningar lögheimila og ólöglega fjármagnsflutninga í gegnum trúarleg net og stofnanir. Algengt svikaráð felst í því að hjón skrá sig með sitt hvort lögheimilið en haldi áfram að vera gift samkvæmt íslömskum lögum. Þannig geti þau fengið hærri húsnæðisbætur sem innfæddir Svíar ættu ekki kost á.
„Konan fær húsnæðisbætur, viðbótarstyrki og íbúð fyrir börnin sín,“ sagði hún. „Karlinn fær einnig íbúð sem hann leigir síðan út á ólöglegan hátt.“
Glæpagengin eru einnig mjög byggð upp í kringum stórfjölskyldur, sem bætir flóknu heiðurskerfi við hið hefðbundna vandamál skipulagðrar glæpastarfsemi. Hollusta við ættina geti jafnvel truflað störf lögreglu og dómstóla.
„Þetta er klassísk mafía,“ sagði Rosander. „Að mínu mati eru ættarbönd og mafía í raun eitt og hið sama.“
Rosander sagði að þessi hliðstæðu samfélög nyndu halda áfram að vaxa þar til þróunin næði þeim punkti að ekki yrði aftur snúið nema að Svíþjóð væri tilbúin til að breyta um stefnu og gera skýrari kröfur um aðlögun að sænska samfélaginu. Að hennar mati ætti Svíþjóð að hætta að laga sig sífellt að nýjum innflytjendum sem halda í aðskilda menningar- og samfélagslega sjálfsmynd:
„Sem Svíi ætti ég ekki að þurfa að breyta lífi mínu og hætta þeim venjum sem við höfum alltaf haft í Svíþjóð bara til að laga okkur að einhverjum öðrum.“
Hún bætti við að árangurinn í baráttunni gegn glæpum sýndi að hægt væri að snúa þróuninni við ef stjórnmálamenn væru tilbúnir að grípa til aðgerða. Hins vegar ætti landið enn langt í land með að takast á við það sem hún telur vera undirliggjandi vandamál langvarandi íslamvæðingar, sem að hennar mati verði aðeins leyst með umfangsmiklum brottvísunum. Rosander sagði:
„Að mínu mati er endurflutningur innflytjenda til heimalanda sinna nauðsynlegur.“