Hræðsluáróðursmenn hamfarahlýnunar vegna koltvísýrings í andrúmsloftinu, loftslagsprestarnir, leiða okkur beint í gildru alræðissamfélags eins og Kambódíu eða gömlu Sovétríkjanna. Það verður „40 ára eymd áður en allt kerfið hrynur að lokum.“ Orðin eru Villiam Happers, prófessor emeritus í eðlisfræði við Princenton háskóla í Bandaríkjunum.
William Happer, prófessor emeritus í eðlisfræði við Princeton háskóla (á mynd), 85 ára gamall, varð frægur fyrir afstöðu sína í loftslagsmálum, þegar hann mælti:
„Djöflavæðing koltvísýrings er alveg eins og djöflavæðing fátækra gyðinga undir Hitler.“
Koltvísýringur af hinu góða fyrir plánetuna
William Happer, prófessor emeritus í eðlisfræði við Princeton háskóla, varar við koltvísýringsgjöldum í viðtali við The New American (sjá myndskeið að neðan). Koltvísýringur er í rauninni af hinu góða fyrir jörðina. Happer segir:
„Koltvísýringur er í rauninni af hinu góða fyrir plánetuna, svo hvetja ætti fólk til að búa til meira af honum. Á bak við loftslagsviðvörunina er sama illska og ofstæki sem hefur hrjáð mannkyn frá upphafi. Hentistefnumenn reyna að hræða fólk til að geta sogað út úr því eins mikið fé og hægt er. Þeir kynna heimskulegar orkulausnir sem gera alla fátækari með óáreiðanlegri orku.“
Hvernig mun samfélagið líta út, ef loftslagsprestarnir ná árangri? William Happer svarar:
„Það mun verða eins og önnur alræðiskerfi sem hafa farið út af sporinu. Vonandi verður það ekki jafn slæmt og Kambódía en það gæti orðið það. Það gæti auðveldlega orðið eins og Sovétríkin, með 40 ára eymd áður en allt kerfið hrundi að lokum. Við sjáum til. Vona að til sé nóg af fólki með skynsemi í heiminum. Þetta er sérstakt verkefni fyrir þróuðu ríkin, því þar er vandamálið einna verst. Við skulum vona, að skynsama fólkið hafi vit á að henda bjánunum út, áður en þeim tekst að valda of miklum skaða.“
Íslendingar ættu að fylgja ráðum Happers
Á Íslandi leiðir rétttrúnaðar vinstristjórn grænu heimskunnar álagningu koltvísýringsskatta á atvinnulíf og heimili. Ísland hefur verið dregið inn í orkukerfi Evrópusambandsins og svikamyllu svo kallaðra aflátsbréfa. Hvert einasta mannsbarn á Íslandi veit, að engin kjarnorkuver eru til í landinu. Samt sem áður prentuðu opinberar orkustofnanir slíkan þvætting á rafmagnsreikninginn samanborið við mynd sem Morgunblaðið birti árið 2013:
Samkvæmt tölum frá Orkustofnun um uppruna seldrar raforku á Íslandi var græn orka landsmanna komin niður í 9% árið 2019! Þessi fábjánaleikur með staðreyndir leiddi fyrirtækið Bolt í Belgíu til að senda fulltrúa sinn til Íslands að biðja íslensk stjórnvöld um að „hætta að selja upprunaábyrgðir. Þær halda aftur af framleiðslu grænnar orku í Belgíu!“ Logið er að fólki að það kaupi græna orku í stað skítugrar með íslenskum aflátsbréfum. Loftslagsprestarnir á Íslandi undir forystu þykjustu sjálfstæðismanna eins og Guðlaugs Þórs Guðlaugssonar, orkumálaráðherra, eru komnir með þjóðina út í skurð.
Íslendingar ættu að taka til sín ummæli Dr. Villiam Happer, prófessors emeritus í eðlisfræði, og kjósa aðra ómengaða stjórnmálamenn í staðinn áður en allt verður um seinan.
