Íris Erlingsdóttir, fjölmiðlafræðingur, var nýverið á ráðstefnu um trans hugmyndafræðina og afleiðingar hennar á líf almennings. Hún tók meðal annars viðtal við Dr. Patrick Lappert, fyrrverandi skurðlæknir í bandaríska sjóhernum. Hann segir að „kynfæraaðgerðir séu óafturkræfar, varanlegar.“ Allir sem velta fyrir sér, hvort hægt sé að skifta um kyn ættu að kynna sér álit þessa reynda skurðlæknis sem gengur þvert á þau ósannindi sem borin eru að æsku Íslands í dag.
Dr. Patrick Lappert er fyrrverandi skurðlæknir í bandaríska sjóhernum. Hann er sérfræðingur í enduruppbyggingarskurðaðgerðum fyrir hermenn sem hafa særst í bardaga. Íris hitti Dr. Lappert á Genspect ráðstefnunni í Albuquerque, New Mexico, þar sem hann deildi innsýn sinni í transinngrip á börnum, sem hann segir valda alvarlegu tjóni á líkama þeirra og sál.
Hvað er „staðfestingarmeðferðarlíkanið“?
„Það sem kallað er ‚staðfestingarmeðferðarlíkanið‘ byrjar á félagslegri staðfestingu og heldur áfram með læknisfræðilegri staðfestingu – hormónamerðferð og skurðaðgerðum. Ef börn byrja á kynþroskahemlum, halda þau áfram á þeim í eitt til tvö ár og byrja síðan á rang-kynhormónum (hormónum sem passa ekki við kyn þeirra), sem þau verða á alla ævi. Strax við 13 ára aldur gætu stúlkur farið í aðgerð til að fjarlægja brjóstin. Drengur gæti verið 16 ára áður en hann fær brjóstígræðslu. Frá 16 ára aldri og eldri gætu þau farið í kynfæraaðgerðir.”
Hverjar eru afleiðingar þess að reyna að stöðva kynþroska?
„Enginn veit það, því það sem við erum að gera núna er opinber læknisfræðileg tilraunastarfsemi á börnum. Langtímaáhrif kynþroskahemla á heilbrigð börn eru óþekkt. Í staðfestingarlíkaninu eru kynþroskahemlar notaðir til að stöðva eðlilega þroska, sem er sjúklegt. Þessar aðgerðir eru kynntar sem afturkræfar, sem þær eru ekki. Ekki aðeins hafa kynþroskahemlar langvarandi og varanlegar afleiðingar fyrir vöxt og þroska, heldur styrkir þessi “meðferð” í huga barnsins að eitthvað sé að því.
Hugmyndin um að stöðva kynþroska hjá börnum sem einkenna sig „trans“ var sett fram til að bæta árangur til lengri tíma. Lýtalæknar sögðu að auðveldara væri að kvengera andlit drengs sem ekki væri orðinn of karlmannlegur og auðveldara að gera líkama stúlku karlmannlegri áður en hún verður of kvenleg. Þeir ákváðu að kynþroskahemlar myndu gefa betri útlitsárangur og betra líf. Þetta var allt lagt til án nokkurra læknisfræðilegra sannana um að þetta sé öruggt, sem það er ekki.“
Er læknasamfélagið almennt meðvitað um þessa áhættu?
„Nei, vegna þess að það ræðir þessi mál ekki opinskátt. Það er lítill hópur fólks sem vinnur í transmeðferðariðnaðinum. Þau eru áhrifarík á pólitík innan akademíunnar. Sá sem talar gegn þessu líkani á hættu að missa vinnuna. Þeir tala sín á milli á pólitísku máli, ekki máli læknisfræðinnar.
„Þessar svokölluðu kynstaðfestingaraðgerðir eru í grundvallaratriðum lýtaaðgerðir – fagurfræðilegar aðgerðir. ,Kynstaðfesting’ er limlesting. Limlesting er einkennist af tjóni, sem er viljandi gert. Það er missir á mannlegri virkni og getu. Læknirinn þarf að nú gera enduruppbyggingu vegna þess að hann olli tjóni! Hann skemmdi líkamann!
„-Phalloplasty, (reðurhermigerð) til dæmis, byrjar með limlestingu og endar með eftirlíkingu. Það er ekki verið að búa til alvöru kynlim, heldur rör úr holdi sem þvag rennur í gegnum. Það er í raun urostomy. Sömuleiðis, í kvenkyns-til-karlkyns skurðaðgerð, er verið að búa til „móttökuslíður,” eða holu. Þetta eru ekki leggöng, ekki æxlunarfæri. Í grundvallaratriðum er þetta sár sem er klætt lifandi vef.“
Rangframkvæmd að gera fagurfræðilega skurðaðgerð á einstaklingi með líkamsdyrmorfíu
„Það sem ,trans’ fólk biður þig um er að lækna innra, andlegt mein með því að breyta ytra útliti þeirra. Þetta er algengt sálfræðilegt ferli hjá börnum. Þau segja þér frá óraunhæfum hugunum og engin rök frá þér munu sannfæra þau um annað. Þau hafa fjárfest í sínu kynjaða sjálfi skýringuna á öllum sorgum og þau vilja að þú breytir því í þeirri trú að þá verði allt í lagi. En læknir á ekki að bjóða upp á fagurfræðilega skurðaðgerð fyrir einstakling með líkamsdysmorfíu… Það er læknisfræðileg rangframkvæmd (malpractice).
„Það er ekkert við þessa skurðaðgerð sem kemur í veg fyrir sjálfsvíg, alvarlegt þunglyndi, kvíðaraskanir, eða annað slíkt. Þetta er eingöngu fagurfræðileg aðgerð sem miðar að því að bæta huglægt ástand, sem ekki er tekið á.“
Hverjar eru afleiðingar fyrir þá sem vilja snúa við skurðaðgerðum?
„Kynfæraaðgerðir eru óafturkræfar, varanlegar. Þú getur endurheimt ákveðin hormónastig sem líkaminn átti að hafa, en umfram það eru þessar aðgerðir varanlegar. Í tilfelli stúlku getur þú ekki snúið við brjóstnámi. Þú getur búið til gervibrjóst, en hún mun aldrei geta gefið barni brjóst eða haft erótíska næmni, vegna þess að taugarnar voru fjarlægðar.“
Af hverju hefur orðið svona mikil aukning í kynruglingi?
„Við erum að horfa upp á enn aðra kynslóð ungs fólks sem er að alast upp í ruglingslegum heimi, þar sem þau eyða miklum tíma á samfélagsmiðlum þar sem þessar hugmyndir eru stöðugt hafðar fyrir þeim. Kjarni málsins er kynferðisvæðing barna, sem byrjar nú á leikskólastigi. Við erum að segja börnum að hamingja þeirra liggi í kynjuðu sjálfi þeirra, í því sem kallað er ,kynvitund’. Að gera þetta sem þjóð, sem menning, er algjör hörmung. Transhugmyndafræðin og öll kynjafræðihugmyndafræðin eru ómennskar. Við verðum að vernda börnin okkar gegn þessari illsku sem hefur verið sleppt lausri í líf þeirra.“
