Myndband sem sýnir samkynhneigt par sem „staðgönguforeldra“ hefur vakið mikla neikvæða athygli eftir að kom í ljós kom að annar mannanna í myndskeiðinu er dæmdur kynferðisbrotamaður. Parinu var veitt forsjá nýfædds drengs, að því er Reduxx News greinir frá.
Bandaríska samkynhneigða parið, Logan Riley og Brandon Mitchell, birti nýlega myndskeið þar sem parið kynnir nýfætt barn sitt.
Myndskeiðið fór eins og eldur í sinu á samfélagsmiðlum, ekki síst eftir að írski stjórnmálamaðurinn Derek Blighe birti það á X (sjá að neðan). Blighe skrifaði í færslu þann 27. júlí:
„Þetta barn á litla möguleika á eðlilegu lífi nema að kraftaverk gerist.“
Sumir álitsgjafar vísuðu athugasemdinni á bug sem „hómofóbískri.“
En aðeins degi síðar kom í ljós að Mitchell, sem sést stoltur sitja með nýfædda drenginn í myndskeiðinu, er skráður kynferðisbrotamaður í Pennsylvaníu. Afbrot hans varðaði kynferðisofbeldi gegn ólögráða dreng.
Mitchell var sakfelldur árið 2016 eftir að hafa, sem 30 ára framhaldsskólakennari, brotið kynferðislega á 16 ára nemanda með því að senda honum yfir 20 nektarmyndir af sjálfum sér og fyrir að biðja um nektarmyndir af nemandanum í staðinn. Rannsókn lögreglu sýndi einnig að hann og drengurinn skiptust á yfir 12.000 skilaboðum og að Mitchell bað nemandann um að eyða spjallskrám sínum. Hundruð gögn með barnaklámi fundust einnig í tölvu hans.
Hann var dæmdur í allt að 23 mánaða fangelsi en var látinn laus skilorðsbundið eftir aðeins tvo mánuði. Eftir dóminn missti hann kennsluréttindi sín en var ráðinn skömmu síðar sem efnafræðingur.
Árið 2021 giftist hann Logan Riley, grunnskólakennara frá Maryland. Árið eftir hófu hjónin fjáröflun á Gofundme til að fjármagna staðgöngumóður. Í lýsingu með þeim sem foreldrum var ekki orð um bakgrunn Mitchells sem dæmds kynferðisbrotamanns.
Pennsylvanía leyfir ekki ættleiðingu eða fóstur í umsjón dæmdra kynferðisbrotamanna en lög um staðgöngumæður innihalda ekki slíkar takmarkanir. Staðgönguforeldrar þurfa ekki að samþykkja hver verður lögráðamaður – í staðinn er það ákveðið af dómstólum með svokölluðum foreldraúrskurði áður en barnið fæðist.
Samtökin Surrogacy Concern í Bretlandi krefjast nú tafarlausra aðgerða. Helen Gibson, talskona samtakanna, segir við Reduxx að kalla verði eftir endurskoðun málsins af hálfu yfirvalda:
„Ef upplýsingarnar eru sannar þá er þetta mikið áhyggjuefni.“
Hún segir að þetta sé ekki í fyrsta skipti sem samtökin rekist á mál þar sem kynferðisbrotamaður eignast barn með aðstoð staðgöngumóður. Að hennar sögn er er eftirlit með staðgönguforeldrum varla til staðar. Helen Gibson segir að þar sem hagsmunir barnsins séu ekki fyrirrúmi, þá gæti fyrirkomulagið leitt til misnotkunar. Hún kallar því eftir alþjóðlegu banni