Forsætisráðherra Íslands, Kristrún Frostadóttir, hefur verið valin í Young Global Leaders árgang 2026 hjá World Economic Forum, WEF, samkvæmt opinberri tilkynningu samtakanna sem birt var 16. apríl 2026.
Ungir alþjóða leiðtogar Young Global Leaders er alþjóðlegt leiðtoganet á vegum WEF sem var stofnað af Klaus Schwab og hefur verið starfrækt í núverandi mynd frá 2003. Markmið verkefnisins er að velja áhrifamikið fólk undir fertugu úr stjórnmálum, viðskiptum, vísindum, fjölmiðlum og menningu og tengja það saman í alþjóðlegt leiðtoganet.
Samkvæmt WEF voru alls 118 einstaklingar frá um 55 löndum valdir í árgang 2026. Í hópnum eru ráðherrar, frumkvöðlar, fjárfestar, fræðimenn og aðrir leiðtogar undir fertugu. Kristrún er nefnd sérstaklega í opinberri kynningu WEF á árganginum.
Valferlið byggir á tilnefningum og mati innan netsins. Samkvæmt upplýsingum um Unga alþjóða leiðtoga þurfa þátttakendur að vera undir 38 ára aldri við inngöngu og teljast hafa sýnt framúrskarandi árangur og möguleika á alþjóðlegum áhrifum.
WEF segir að þátttakendur fari í þriggja ára leiðtogaáætlun sem felur meðal annars í sér:
- stjórnendanám
- alþjóðlega fundi
- vinnustofur
- tengslamyndun
- og samstarfsverkefni tengd „framtíð heimsins“
Það er því ekki hefðbundið „nám“ með prófgráðu heldur alþjóðlegt leiðtoganet og þróunarverkefni fyrir valda einstaklinga. Samkvæmt WEF tekur árgangur 2026 þátt í þessari áætlun næstu þrjú ár, sem þýðir að þátttöku Kristrúnar lýkur formlega ári 2029.