Þýsk yfirvöld hafa gefið út alþjóðlega handtökutilskipun á hendur úkrönskum kafara, Volomodyr Z vegna hryðjuverksins á Nord Stream gasleiðslununum í Eystrasalti. Volomodyr Z er sagður hafa yfirgefið Þýskaland þar sem láðst hafi að eftirlýsa hann. Z hafi farið til Póllands en sé þar ekki lengur, farinn til Úkraínu. Sex karlmenn og ein kona hafi leigt snekkju Adromedu og notað til hryðjuverksins. Púðuragnir hafi fundist í snekkjunni. Þessa sögu bera allir helstu fjölmiðlar Vesturlanda nú út kinnroðalaust.
Wall Street Journal sem á að vera eitt virtasta blað heims, lýsir því að hryðjuverkið á Nord Stream hafi verið skipulagt á fylleríi í Kænugarði. Valeríj Zaluzhníj, yfirmaður úkraínska hersins nú sendiherra í Lundúnum hafi stýrt aðgerðum. Volomodyr Zelinsky forseti hafi samþykkt hryðjuverkið en afboðun klikkað. Þessa sögu selja þýsk stjórnvöld þýsku þjóðinni kinnroðalaust. Allt er gert til að forða bandarískum stjórnvöldum skaðabótaskyldu.
Hryðjuverkið skipulagt í Washington …
Sagan af hryðjuverkinu er allt önnur. Í febrúar 2022 hótaði Joe Biden á fundi í Hvíta húsinu að binda endi á Nord Stream; „…bring an end to it [Nord Stream], I promise you. We can do it.“ Kanslarinn Olav Scholz stóð við hlið Biden og andmælti ekki. Hinn heimsfrægi bandaríski blaðamaður Sy Hersch hefur upplýst um staðreyndir á bak við Nord Stream. Það var Joe Biden forseti Bandaríkjanna sem gaf út tilskipun um að sprengja Nord Stream. Sprengjum var komið fyrir á sænskum og dönskum hafsvæðum á Nato-flotaæfingu sumarið 2022. Jake Sullivan öryggisráðgjafi Biden stýrði aðgerðum úr Eisenhower byggingunni gegnt Hvíta Húsinu.
Að sögn Sy Hersh fremsta blaðamanns Vesturlanda síðustu 50 ár, völdu norskir sérsveitarmenn og sérfræðingar staðinn undan Borgundarhólmi. Bandarískir kafarar í borgaralegum klæðum frá flota- og björgunarmiðstöðinni í Panama City Flórída komu fyrir sprengjum á Baltops22 Nato æfingu í júní 2022. Að loknu verki voru kafararnir sóttir af norskum kafbát. Það þótti of snemmt að sprengja í júní, svo finna varð leiðir til að virkja sprengjurnar þegar Biden gæfi skipun sem svo kom í september.
Íslensk aðild að hryðjuverkinu
Ég skýrði frá aðild Íslands að hryðjuverkinu. Þegar Nordstream gasleiðslan var sprengd nóttina 26. september 2022 var bandarísk P-8 þota sem hafði tekið á loft frá Keflavíkurflugvelli og haldið til Eystrasaltsins. Þotan var yfir „markinu“ eftir rúmlega þriggja tíma flug. Þotan flaug yfir gasleiðsluna og var um klukkustund að taka eldsneyti í 26 þúsund feta hæð. Eftir eldsneytistöku var þotunni flogið út yfir Eystrasaltið á ný, lækkaði flug og hóf aðflug að Nord Stream í síðaraskiptið og var yfir leiðslunni kl. 07:04. https://www.youtube.com/watch?v=OS4O8rGRLf8. Joe Biden: „We will bring an end to it.„
Þessar upplýsingar benda til aðildar Íslands að mesta hryðjuverki og mengunaratviki í sögu Evrópu þegar bandarískar og norskar sérsveitir gerðu árás á þýsku þjóðina. Tveir skjálftar komu fram á mælum um nóttina; kl. 02:03 og miklu mun öflugri kl. 07:04. Sex af átta sprengjum plantað á Nord Stream sprungu. Þrjár af fjórum gasleiðslum eyðilögðust. Það þurfti tvö aðflug yfir Nord Stream til að ljúka verkinu. Bauju var varpað í sjóinn með Raytheon sónar, nokkurs konar byssugikkur.
Var Ísland upplýst …
Norsk, dönsk og sænsk stjórnvöld munu hafa verið upplýst en Þjóðverjum var haldið óupplýstum. Ákveðið var að P8 þotan flygi frá Íslandi en ekki Ameríku. Bretar munu hafa hafnað því að þotan flygi frá breskum herflugvelli. Var Ísland upplýst um árásina líkt og Noregur, Danmörk og Svíþjóð? Eftir að Úkraínustríðið braust út hafa verið stöðug og vaxandi hernaðarumsvif á Keflavíkurflugvelli og allt að tólf P8 þotur samtímis á vellinum. Þotum hefur verið parkerað á svokallaðan Top-Ramp sem þýðir mikinn viðbúnað. Gaf Ísland samþykki sitt fyrir stríðsaðgerð gegn Þýskalandi sem leiddi til mesta menungaratviks í sögu Evrópu frá Chernobyl…
