Thjodolfur

frjals og fullvalda

Thjodolfur

frjals og fullvalda

John Cleese kærður fyrir hryðjuverk vegna gagnrýni á íslam

Gústaf Skúlason

John Cleese neitar að láta þagga niður í sér eftir ummæli sín um íslam sem vakið hafa mikla athygli. Nú er breski grínistinn kominn í miðju vaxandi deilu um tjáningarfrelsið – og nýtur stuðnings bæði stjórnmálamanna og leiðandi samtaka um tjáningarfrelsi.

Breski grínistinn og leikarinn John Cleese, þekktur úr Monty Python og Fawlty Towers, hefur enn á ný vakið umræðu með opinskáum færslum um íslam. Þrátt fyrir hörð aðköst heldur hinn 86 ára grínisti áfram að verja réttinn til að gagnrýna trúarbrögð og trúarhugmyndir opinberlega. Hann hefur einnig lýst heilshugar stuðningi við þjóðarflokkinn Restore Britain, sem berst fyrir algjörri stöðvun innflytjenda til Bretlands og umfangsmiklum, þvinguðum endurflutningi þeirra til upprunalanda sinna.

En í þetta sinn létu viðbrögðin ekki staðar numið við gagnrýni. Þann 28. september greindi múslimski fréttavefurinn 5Pillars frá því að Cleese hefði verið nafngreindur í kæru til Prevent – áætlunar breskra stjórnvalda til að fyrirbyggja hryðjuverk og öfgavæðingu.

Svarar af þrjósku

Samkvæmt 5Pillars taldi sá sem sendi tilkynninguna að færslur Cleese væru ómennskar og kenndu múslimum sem hópi um ofbeldi og glæpi. Áhættan var sögð hafa verið metin „miðlungs til mikil“. Cleese sjálfur brást við fréttunum:

„Egóismi karlmannsins í íslam bólgnar svo út vegna skorts á sjálfsstjórn að hann lítur á alla gagnrýni sem guðlast. Ég hlakka til að verða handtekinn,“ skrifar hann á X.

Nýtur stuðnings í baráttunni um tjáningarfrelsið

Tjáningarfrelsissamtökin The Free Speech Union styðja rétt Cleese til að tjá sig og lögðu áherslu á að Bretar verði að geta gagnrýnt trúarbrögð, rætt þau og gert grín að þeim. Samtökin bentu einnig á að þingið hefði afnumið guðlastslög landsins árið 2008.

Fyrrverandi innanríkisráðherrann Suella Braverman gagnrýnir einnig tilraunina til þöggunar. Hún leggur áherslu á að Prevent eigi að greina hugsanlegar hryðjuverkaógnir og vinna gegn öfgavæðingu – ekki þagga niður í réttmætri umræðu um íslam – og varaði við því að ella gætu guðlastslög verið innleidd á ný „bakdyramegin“.

Áhugaverðar fréttir