Að loftslagsbreytingar séu af völdum kolefnislosunar manna er „algjört kjaftæði“ segir Joe Rogan í nýjum hlaðvarpsþætti. En margir hagnast á þessari „sögu“ bendir hann á. Joe Rogan ræðir við leikarann Mel Gibson og þeir koma meðal annars inn á loftslagsmálin í þættinum.
Að sögn Rogans er mikið rugl í gangi um loftslagið:
„Ég hef kynnt mér málið og ég hef átt margar umræður um það á síðustu fjórum árum. Vandamálið er þegar saga er búin til og hagnaður er bundinn lausn hennar. Svo er það líka óttinn sem þeir elska að dæla í fólk um loftslagsbreytingarnar. Þeir hræða lífið úr ungu fólki, að við munum eyðileggja heiminn, að við verðum að bregðast við núna.“
„Það sem er mikilvægast að vita er að hitastig á jörðinni hefur aldrei staðið í stað. Það hefur aldrei verið tímabil þar sem hitinn er sá sami þar til maðurinn kemur og eyðileggur allt. Svoleiðis er það ekki í raunveruleikanum.“
Loftslagið hefur alltaf sveiflast – einnig áður en mennirnir urðu til
Joe Rogan segir að í staðinn hafi hitinn bæði hækkað og lækkað í gegnum tíðina. Núna erum við í lægð. Hann vísar í grein í Washington Post.
„Það er aldrei bein lína. Löngu áður en mennirnir komu til. Það eru alltaf hæðir og lægðir. Og þessi hugmynd um að allt grundvallist á kolefnislosun frá mönnum er algjört kjaftæði. Það er ekki satt. Við höfum kannski áhrif en við höfum lítil áhrif. Mjög lítil áhrif. Og aðrir hlutir eru algjörlega óviðráðanlegir, þar á meðal sólvirkni, fjarlægðin milli jarðar og sólar.“
Mel Gibson segir einnig frá þremur vinum sínum sem voru með krabbamein á 4. stigi en eru ekki lengur með krabbamein, eftir að hafa tekið ivermektín, fenbendazól og fleiri slík lyf.
