Einmitt þegar pólitíska rétthugsunin var að fara úr tísku þá framleiddi hið klassíska bílmerki Jagúar afskaplega pólitískt rétta auglýsingu án þess að bíllinn sæist (sjá neðar á síðunni). Viðbrögðin komu fljótt: bílasala fyrirtækisins minnkaði um fjórðung síðasta ársfjórðung 2024.
Jagúar ákvað að fylgja pólitíska rétttrúnaðinum og kastaði klassíska vörumerki sínu fyrir róða fyrir nýtt útlit og vörumerki. Fékk fyrirtækið bæði mikla athygli og jafnframt gagnrýni fyrir pólitískt réttar auglýsingar þar sem kaupendur framtíðarinnar voru sýndir til dæmis karlmaður klæddur í kjól með sleggju í hendi. Boðskapur eins og „eyðum því venjulega“ átti að lokka til sín nýja kaupendur slaufumenningarinnar.
Herferðin hefur farið nákvæmlega sömu leið og tilraunir margra annarra vörumerkja til að vera pólitískt hárréttar en þær enduðu með ósköpum, þegar salan hrundi. Hver man ekki eftir Budweiser einu vinsælasta bjórmerki Bandaríkjanna? Salan hrundi á nokkrum vikum og stjórnin varð að biðja viðskiptavinina afsökunar. Þannig fer þegar frjálsi markaðurinn er settur út í horn og rétttrúnaðarsérfræðingar ráðnir til að tala um fyrir fólki hvað því á að finnast í stað þess að leyfa fólki sjálfu að sýna hvað því finnst.
Nigel Farage spáði hruni í sölu Jagúar:
Mark my words, Jaguar will go bust. pic.twitter.com/DP5zUL0Y7B
— Nigel Farage MP (@Nigel_Farage) November 20, 2024
„Go woke – go broke“
Nýlega var greint frá því að sala Jagúar hafi dregist saman um meira en fjórðung á síðasta ársfjórðungi eftir að vörumerkið ákvað að fara út í pólitískan rétttrúnað. Hönnunarsérfræðingar og aðdáendur Jagúar gerðu grín að rétttrúnaðinum og sögðu hann vera „menningarlegt skemmdarverk“ sem væri „ein stærsta eyðileggjandi markaðssetning allra tíma.“
Núna segir Nigel Farage: „Go woke, go broke.“ (Afar lausleg þýðing: Gleyptu fleskið, tæmdu veskið).
🚗 Nigel Farage warned about Jaguar’s decline after embracing woke policies. Once a symbol of British success, now struggling to maintain its legacy.
— The Reform Daily (@ReformDaily_) January 9, 2025
“GO WOKE; GO BROKE”
It’s time to focus on quality & customers, not virtue signalling.#ReformUK #GoWokeGoBroke #Jaguar pic.twitter.com/Uqg1jZqbbX
Rétttrúnaðarauglýsingin fræga sem fælir kaupendur frá því að kaupa Jagúar:
Copy nothing. #Jaguar pic.twitter.com/BfVhc3l09B
— Jaguar (@Jaguar) November 19, 2024