Æðstipresturinn Uthman ibn Farooq, sem starfar í Bandaríkjunum, hélt nýlega fyrirlestur í Bretlandi sem hefur verið dreift víða á netinu. Í ræðu sinni talaði hann um framtíð íslams í heiminum og fullyrðir að Evrópa verði múslímsk.
Æðstipresturinn er frá mosku í San Diego og hélt fyrirlestur í Birmingham sem birtist á Youtube 28. maí í vor, þar sem hann sagði íslamvæðinguna vera alla í rétta átt. Hann gekk svo langt að fullyrða að íslam myndi ná til allra heimila í Evrópu og hvatti múslima til að vinna að því að gera þessa breytingu að veruleika. Æðstipresturinn sagði:
„Framtíðin er okkar. Sérhver martröð EDL (English Defence League) um múslímska Evrópu mun rætast. Þeir geta verið eins reiðir og þeir vilja, mér er alveg sama. Bandaríkin munu verða múslímskt land, Rússland mun verða múslímskt land, íslam mun ná til allra heimila, inshallah, en við munum verða hluti af þeirri breytingu.“
Biðumst aldrei afsökunar á íslam
Æðstipresturinn hvatti einnig múslima í Evrópu til að gera sér grein fyrir mikilvægi þess að færa Evrópubúa nær íslam og lagði áherslu á að þeir megi aldrei þynna út eða skerða trú sína, jafnvel þótt þeir séu undir þrýstingi.
„Við verðum að vera hluti af dawah (að kalla saman fólk til íslams). Við verðum að vera hluti af ghuraba (trúaðir múslímar) sem standa staðfastir í grundvallartrú okkar, í iðkun trúarinnar, í deen okkar (trúarbrögðum) og aldrei, aldrei biðjast afsökunar.
Við þurfum ekki að afsaka okkur. Aldrei, aldrei að gera málamiðlanir. Við erum ósveigjanleg. Aldrei, aldrei munum við þynna út trúna. Við höfum engin útvötnuð trúarbrögð. Mér er alveg sama þótt það sé ekki orð. Við stöndum staðföst.“