Ný dönsk tölfræði sýnir að innflytjendur frá þriðja heiminum eru mjög framarlega sem gerendur ofbeldisglæpa og nauðgana í Danmörku. Tölurnar koma mörgum dönskum stjórnmálamönnum á óvart og eru margir þeirra reiðir.
Peter Hummelgaard, dómsmálaráðherra Danmerkur er reiður yfir því, að margir innflytjendur sem Danmörk hefur opnað arma sína fyrir, endurgjalda gestrisnina með nauðgunum og ofbeldisglæpum. (mynd regeringen. dk).
Samkvæmt tölum frá danska dómsmálaráðuneytinu standa innflytjendur frá löndum þriðja heims, sem eru 8,4% íbúa Danmerkur, fyrir 14% allra alvarlegra ofbeldisglæpa og 24,3 % nauðgana.
Enn meira sláandi er að önnur kynslóð innflytjenda frá þriðja heiminum sem eru aðeins 2,2% íbúanna, bera ábyrgð á 15,6% ofbeldisglæpa og 8,1% nauðgana.
Á heildina litið sýnir tölfræðin að 29,6% ofbeldisglæpa og 32,4% nauðgana eru framin af fólki sem kemur frá þriðja heiminum, þrátt fyrir að þeir innflytjendur séu aðeins 10,6%% íbúa Danmerkur.
Dómsmálaráðherra Danmerkur, Peter Hummelgaard, bregst harkalega við tölunum og segir þær valda miklum áhyggjum. Hann lagði áherslu á að Danir verða að grípa til öflugra aðgerða gegn þessari óviðunandi hegðun. Hummelgaard segir í viðtali við dagblaðið Berlingske:
„Ég verð öskuillur, þegar að fólk sem við höfum boðið inn til landsins skuli endurgjalda gestrisni okkar með því að stunda nauðganir og alvarlega ofbeldisglæpi sem eyðileggja líf annarra hér í Danmörku.“
Tölur frá dönskum fangelsum sýna að 27,6% fanga eru fyrstu eða annarrar kynslóðar innflytjenda. Ef erlendir ríkisborgarar eru teknir með sem innifelur ólöglega innflytjendur og ferðamenn, þá eru þessir hópar yfir 31% af þeim sem eru í fangelsi samanborið við 26,% fyrir áratug síðan.
Til að létta á yfirfullum fangelsum Danmerkur skrifaði landið undir samning við Kosovo árið 2021 um leigu á 300 fangaplássum þar en fram að þessu hefur enginn danskur fangi verið sendur þangað.
