Guðmundur Karl Snæbjörnsson alias Kalli Snæ ritar viðvörun um trojuhest WHO. Ef heilbrigðisyfirvöld á Íslandi senda ekki inn höfnun á alræðissamningi WHO fyrir laugardaginn 19. júlí í þessari viku, þá mun Alma Möller bæta því á afrekaskrá sína að kollvarpa sjálfsákvörðunarrétti íslenskra heilbrigðisyfirvalda í hendur erlendrar stofnunar sem Kalli Snæ lýsir sem „Pharma-miðaðri vél með yfirþjóðlegan metnað, sem ógnar mannréttindum og heilsu með hagsmuna- og andvísindalegum áherslum.“
Kalli Snæ varar við tímamörkum höfnunar á breytingum alþjóða heilbrigðisreglugerðar WHO en tími til að hafna breytingunum er laugardaginn 19. júlí 2025, það er að segja núna á laugardaginn kemur. Ef Ísland hafnar ekki samþykkt laganna formlega, lítur WHO svo á að Ísland hafi samþykkt lögin og neyðist Ísland þá til að framfylgja ákvörðunum WHO til að komast hjá alþjóðlegum málaferlum, sektum og sniðgöngu WHO t.d. þegar heimsfaraldur geisar.
WHO eða ekki WHO?
Kalli Snæ skrifar að kjarni vandans liggi í fjármögnun WHO en 80-84% af fjárveitingum WHO koma frá framlögum einkaaðila eins og til dæmis Bill & Melinda Gates Foundation, bóluefnasamtökum GAVI með fleirum aðilum. Kalli Snæ segir þetta skekkja stefnu Alþjóðaheilbrigðismálastofnunarinnar WHO og geri stofnunina háða viðskiptahagsmunum alþjóðlegra lyfjarisa. Einungis 16-20% koma frá skyldugreiðslum ríkja WHO.
Kalli Snæ rekur síðan mörg atriði sem hafa neikvæð áhrif á frelsi og mannréttindi einstaklingsins eins og til dæmis skyldubólusetningu fyrir börn, heilsu almennings stefnt í hættu með bóluefnum með skaðlegum aukaverkunum án þess að löggjafinn sé spurður eða málið tekið fyrir á Alþingi. Niðurstaða Kalla Snæ er eftirfarandi:
„WHO er ekki óháð stofnun heldur Pharma-miðuð vél með yfirþjóðlegan metnað, sem ógnar mannréttindum og heilsu með hagsmuna og andvísindalegum áherslum. Fyrir ólíkar þjóðir eins og Ísland er IHR óhentugt: Það framselur vald og ýtir undir meðferðir sem henta ekki öllum.“
VIÐVÖRUN TIL ÞJÓÐARLEIÐTOGA HEIMS:
Á myndskeiðinu hér að neðan ræða þeir Dr. John Campell og James Roguski málið. Þeir senda frá sér VIÐVÖRUN TIL LEIÐTOGA HEIMS um fyrirætlanir WHO og hvetja alla til að hafna þessari gerræðislegu yfirtöku á sjálfsákvörðunarrétti fullvalda þjóða í eigin heilbrigðismálum. Roguski sendi frá sér eftirfarandi opið bréf til leiðtoga heims:
