Thjodolfur

frjals og fullvalda

Hvar er Lee Harvey Oswald þegar landið þarfnast hans svo mikið?

Gústaf Skúlason

Blaðamaður úkraínska stjórnarhersins, sem er sagður tengjast Hillary Clinton og Demókrataflokknum kallaði opinberlega eftir því í færslu á facebook nýlega, að Donald Trump, forseti Bandaríkjanna, yrði myrtur. Vadym Karpiak er eldri blaðamaður með næstum 30 ára starfsferil að baki. Hann lagði til á föstudag að Bandaríkin þyrftu á nýjum „Lee Harvey Oswald“ að halda, en hann var talinn hafa myrt John F. Kennedy.

Í færslunni sem sjá má hér að neðan spyr Karpiak:

„Hvar er Lee Harvey Oswald þegar landið þarfnast hans svo mikið? Og ekki bara einn?“

Samkvæmt New York Times er hluti af því fjölmiðlaneti sem Karpiak hefur hýst verið notað sem „mikilvægt áróðurstæki fyrir Úkraínustjórn og er hyllt af af embættismönnum fyrir árangur gegn rússneskum falsupplýsingum og fyrir að halda upp baráttuanda yfirvalda.“ Volodymyr Zelensky, forseti Úkraínu, kallaði þetta „vopn“ en áhorfendur í Úkraínu eru fyrir löngu orðnir uppgefnir á öllum áróðrinum sem haldið er á lofti af úkraínsku ríkisstjórninni. Zelensky hefur að sögn verðlaunað Karpiak með 3. gráðu orðu „For Merit.“ Þessar færslur um skort á morðingjum til að drepa Bandaríkjaforseta koma þegar Zelensky hefur neitað að semja um frið, vanvirt forseta Bandaríkjanna, verið rekinn úr Hvíta húsinu og stöðvað aðstoð Bandaríkjanna.

Tengist Demókrataflokknum og Hillary Clinton

Úkraínski bloggarinn Myroslav Oleshko, sem lýsir sjálfum sér sem „úkraínskum stjórnarandstæðingi“ benti á færsluna þar sem Karpial kallar eftir morði á Trump. Oleshko ásakar Karpiak um tengsl við Demókrataflokkinn og Hillary Clinton. Á X er Oleshko lýst sem „bloggara sem Zelensky vill setja í gæsluvarðhald í 8 ár fyrir að gagnrýna ríkisstjórnina.“ Samkvæmt New Voice of Ukraine er hann ákærður fyrir að hafa flúið Úkraínu eftir að hafa fengið herkvaðningu, þegar stríðið braust út. Hann segir sjálfur að hann hafi farið á löglegan hátt.

Oleshko segir að Karpiak vinni sem „áróðursstjóri“ fyrir fjölmiðlanet sem er „fjármagnað af peningum bandarískra skattgreiðenda í gegnum USAID.“ Fyrrverandi yfirmaður hans hjá ICTV er „Viktor Pinchuk — æðsti ólígarki Úkraínu, vinur Zelensky, bakhjarl bandaríska demókrataflokksins, og náinn samstarfsmaður Hillary Clinton.“

Oleshko greinir frá því, að stjórnandi úkraínsku ríkissjónvarpsstöðvarinnar, verðlaunaður af Zelensky, harmi í dag að enginn sé til staðar til að drepa Trump! „Og hvar er Lee Harvey Oswald þegar landið þarfnast hans svo mikið? Og ekki bara einn.„

Vadym Karpiak er sjónvarpsstjóri og áróðursmaður fyrir „Suspilne“ rásina, sem er styrkt af ríkinu. Þessi rás og gestgjafi hennar hafa einnig verið fjármögnuð af peningum bandarískra skattgreiðenda í gegnum USAID! Áður en Karpiak starfaði hjá Suspilne eyddi Karpiak áratugum á ICTV, rás í eigu Viktors Pinchuk — æðsta ólígarka Úkraínu, sem er vinur Zelensky, styrktaraðila bandaríska demókrataflokksins,og náinn samstarfsmanður Hillary Clinton.

Náinn vinur Zelenský með undanþágu frá herskyldu

Í dag fær Karpiak ekki bara há laun frá Zelensky heldur fær hann einnig undanþágu frá herskyldu, þannig að hann mun aldrei lenda í fremstu víglínu. Hann þarf þess vegna ekki persónulega á friðartillögum Trumps að halda. Karpiak er dyggur þjónn Zelensky og tekur iðulega viðtöl við Zelensky, Andriy Yermak og eiginkonu forsetans, Olenu Zelenska.

Ákall um að myrða Trump frá þessum nána samstarfsmanni Zelensky er vísvitandi stefna úkraínskra stjórnvalda. Það er umhugsunarvert að eftir að Ryan Wesley Routh heimsótti Úkraínu, þá ákvað hann fara á golfvöll Trumps með riffil í því skyni að sitja fyrir forsetanum til að reyna að myrða hann. Zelensky og USAID kynda undir hatur gegn Bandaríkjastjórn.

Myroslav Oleshko, segist reiðubúinn til að láta stjórn Trumps hafa „lista yfir alla áróðursmenn sem starfa fyrir Zelensky, þar á meðal þá sem nota peninga bandarískra skattgreiðenda til að dreifa and-amerískum áróðri.“

„Ég mun halda áfram að birta staðreyndir um glæpi og spillingu Zelenskys, sem ég hef safnað saman á síðustu sex árum. Með kveðju, Myroslav Oleshko, úkraínskur stjórnarandstæðingur.“

Áhugaverðar fréttir

Fara efst á síðu