Halla Tómasdóttir er nýkomin úr áróðursferð til Kína þar sem stoðum var rennt undir sameiginlega skoðun íslenska þjóðhöfðingjans og þess kínverska að grænu umskiptin séu forsendur framfara í heiminum.
Kínverjar græða mest á grænu bólunni, þar sem þeir framleiða sólarrafhlöður og vindmyllur í stórum stíl fyrir heimsmarkaðinn. Hótun um endalok jarðar nema að vörur kínverja séu keyptar má skoða sem sölubragð enda er þess vandlega gætt að ekki spyrjist út að Kína stóð fyrir 93% af aukningu kolavera í heiminum 2024. Forseti Íslands gerði engar athugasemdir við byggingu kolavera í Kína í ávarpi sínu á Pekingráðstefnunni.
Hvernig ógnar það réttindum kvenna að kynin eru tvö: karl og kona?
Forsetinn skrifar í grein sinni:
„Í ávarpi mínu lagði ég áherslu á þær framfarir sem átt hafa sér stað – í löggjöf, menntun, stjórnmálum og heilbrigðismálum – en einnig á það bakslag sem nú ógnar réttindum kvenna og hinsegin fólks í mörgum löndum. Það birtist skýrast í þeirri skipulögðu atlögu gegn trans fólki sem við verðum nú vitni að, jafnvel í ríkjum sem lengi hafa kennt sig við jafnrétti og mannréttindi.
Engin dæmi tekin málinu til stuðnings, í hverju er þessi skipulagða atlaga gegn trans fólki fólgin? Hverjir standa fyrir henni og í hvaða tilgangi? Á lesandinn að giska að það fari fram skipulögð atlaga gegn trans fólki á Íslandi? Bandaríkjunum? Bretlandi? Ungverjalandi?
Á Íslandi væla Samtökin 78 eftir meiri peningum frá opinberum aðilum samtímis sem þau stunda persónunjósnir og kæra fólk sem segja á samfélagsmiðlum að þau trúi ekki að hægt sé að fæðast í röngu kyni og að kynin séu tvö. Í Bretlandi úrskurðaði Hæstiréttur að kynin eru tvö sem er ákveðið á líffræðilegum grundvelli við fæðingu. Í Bandaríkjunum hefur skyndilega fjöldi unglinga með kynama minnkað um helming sem styður fullyrðingar um að geðræn vandamál, tískubóla m.fl. hafi haft áhrif á að rugla ungmenni í leit að eigin kynvitund. Í Ungverjalandi hefur ríkisstjórnin eflt fjölskyldur með skattaafslætti á fædd börn og bannað karlmönnum (og konum) að berrassa sig á almannafæri í nafni mannréttinda.
Forseti Íslands verður hér eins og í opnunarræðu Alþingis að útskýra, hvað hún er að tala um í stað þess að tala í gátum. Í opnunarræðunni gaf forsetinn í skyn að það þyrfti að breyta stjórnarskránni til að koma í veg fyrir að minnihluti alþingis gæti sett ný met í málþófi sem má túlka sem beinan stuðning við bann meirihlutans á áframhaldandi umræðum um nýja sjávarútvegsskattinn. Forsetinn gaf engar útskýringar á hvaða lagagreinum stjórnarskrárinnar þyrfti að breyta.
Konur stjórna menntamálum á Íslandi og núna kunna 47% drengja ekki að lesa sér til skilnings
Forsetinn skrifar um mikilvægi kvennabaráttunnar og að hún „standi með systrum sínum og bræðrum gegn ofbeldi og með friði og framförum sem byggjast á jafnrétti fyrir alla.”
Hún minntist engu orði á þá staðreynd að 58% allra fanga í Kína eru konur, þrátt fyrir að konur eru einungis 48% landsmanna. Tveir þriðju hluti fanga yfir 60 ára eru konur. Halla tók heldur ekki upp að Kína hefur hrapað á lista jafnlaunalanda frá númer 63 árið 2006 og niður í 103 sætið í dag.
Halla Tómasdóttir telur kvennabaráttunni engan veginn lokið en hvernig útskýrir hún, að þrátt fyrir að konur séu í 73% starfa hjá sveitarfélögum á Íslandi, 67% starfa hjá ríkinu og að árið 2019 voru 91% nemenda í Kennaraháskólanum konur, að þrátt fyrir þetta himinháa hlutfall kvenna í þessum stöðum, þá eru samtímis minnstu líkurnar á að drengir ljúki framhaldsnámi á Íslandi af öllum þróuðum ríkjum heims? Einungis þriðjungur nema í HÍ eru drengir. Samkvæmt PISA mælingum 2022 voru 47% drengja og 32% stúlkna undir hæfnisþrepi 2 í PISA og teljast því ekki búa yfir grunnhæfni í lesskilningi. Þeta er um tvöföldun hjá drengjum síðan 2009.
Forsetinn okkar hefur opinberað glóbalíska sýn sína. Hún er fulltrúi erlendra glóbalista á Íslandi og aðalritari kínverska kommúnistaflokksins hefur notfært sér hana í áróðri innanlands sem utan enda hyllti forseti Íslands fjöldamorðingjann Maó Tsetung í Peking ræðu sinni sem sérstakan verndara kvenna.
Halla Tómasdóttir trónar á öldu kvenréttindahreyfingar sem fyrir löngu hefur gengið sér til húðar og hefur breyst í andstöðu sína, stjórnunartæki til að ná stjórn á aðallega konum. Kvennahreyfingin er vinstri hreyfing og trans hugmyndafræðin kemur í kjölfarið á svipaðan hátt og umræður voru um van- eða ofát kvenna hér um árið.
Heyrir einhver minnst á anorexíu í dag?