Samtökin 22, samtök samkynhneigðra á Íslandi hefur sent Árnastofnun Eddu tilkynningu um nokkur nýyrði í íslensku. Er um að ræða nýyrði í faglegri greiningu á mikilvægum málefnum samkynhneigðra á Íslandi og segir í tilkynningunni að orðin hafi myndast í samtölum fólks á milli á organískan hátt. Má túlka það þannig að engin stafræn hjálp ESB eða almenn gervigreind hafi verið notuð. Á þann hátt er undirlag orðanna haldbært, trúverðugt og eðlilegt og orðin bæði sönn og haldgóð.
Vonandi setur Árnastofnun þessi orð þegar í íslensku orðabókina en Samtökin 22 sendu eftirfarandi nýyrði inn:
Hommaherma (nafnorð, kvk): Karlgervill eða gagnkynhneigð kona sem heldur að hún sé og/eða þykist vera hommi/samkynhneigður karlmaður.
Karlgervill (nafnorð, kk): Kona sem heldur að hún sé og/eða þykist vera karlmaður
Kvengervill (nafnorð, kk): Karl sem heldur að hann sé og/eða þykist vera kona.
Látbragðslesbía (nafnorð, kvk): Kvengervill eða gagnkynhneigður karlmaður sem heldur að hann sé og/eða þykist vera lesbía/samkynhneigð kona
Kyngervill (nafnorð, kk): Manneskja haldin ranghugmyndum um að hún sé af gagnstæðu líffræðilegu
Má búast við, að þrátt fyrir að ímyndunaraflið geri stundum erfitt að skilgreina hlutlæga kynjatalnafræði, þá munu nýyrðin einfalda umræðu sem lendir oft í erfiðleikum með öll möguleg og ómöguleg kyn. Nýyrðin munu þannig stuðla að því að gera náttúruna sýnilega aftur og þau tvö kyn sem hún býður upp á: Karl og konu.
Eldur Smári Erlingssonar, formaður Samtakanna 22 segir í tölvupósti til Þjóðólfs:
„Okkur hjá Samtökunum 22 finnst mikilvægt að merking mikilvægra orða sé skýr. Orð eins og trans eða transkona eru t.d. óljós. Það virðist enginn hjá hinsegin hreyfingunni vera fær um að skilgreina ,,trans“. Skilgreiningin er eitthvað á þá leið að það séu allir þeir sem eru ekki ,,sís“ sem er annað óskýrt og óskilgreint orðskrípi. Orð þurfa skýrar skilgreiningar, en ekki hringlaga skilgreiningar sem gera orðin merkingarlaus.“
Lesa má tilkynningu Samtakanna 22 hér að neðan: