Hin nýja heimsskipun: Fangelsa þá sem gagnrýna sjálf-afritandi RNA bóluefnatækni

Doktor Robert Malone er nýkominn heim til Bandaríkjanna eftir heimsókn til Japans, þar sem fram fór 30 þúsund manna mótmælafundur vegna áætlunar yfirvalda að dreifa sjálf-afritandi mRNA bóluefni og láta lögsækja og fangelsa alla þá sem hallmæla mRNA bóluefnatækninni. Malone sagði að fólk í Japan kallaði mRNA tæknina „Þriðju atómsprengjuna.“

Þriðja kjarnorkusprengjan

Dr. Robert Malone sagði í ávarpi sínu: ​​

„Ég kom nýlega heim frá Tókýó þar sem þeir héldu 30.000 manna mótmælafund, þar sem byrjað er að nota sjálf-afritunar RNA bóluefni. Japan er notað sem tilraunadýr í heiminum fyrir þessa nýju tækni. Almenningur í Japan kalla þetta þriðju kjarnorkusprengjuna. Þetta er gert í samstarfi bandaríska fyrirtækisins Arcturus, ástralska fyrirtækisins CSL og japansks fyrirtækis.“

„Forstjóri japanska fyrirtækisins hélt nýlega blaðamannafund. Hvað sagði hann? Hann sagði að fyrirtækið myndi lögsækja hvern þann sem dreifði röngum upplýsingum: „Við munum reyna að koma viðkomandi í steininn.“

„Það má ekki segja neitt gegn RNA bóluefnatækni þeirra sem afritar sig sjálf, sem hefur aldrei verið nákvæmlega prófuð og við vitum ekki hvort að muni smita annað fólk. Við vitum ekki hvort þetta á eftir að breiðast út. Við vitum að það mun afrita sig sjálft. Við vitum ekki hvort það fer inn í heila gamalmenna í Japan. En það sem við vitum er, að ef við látum í ljós áhyggjur okkar, þá mun forstjórinn elta okkur og reyna að koma okkur í steininn. Þetta er hin nýja heimsskipun. Þetta er það sem við erum að fara inn í. Þetta er það sem þeir ætla að fara með okkur í.“

Verðum að berjast gegn þessari nýju harðstjórn

„Þeir vilja þagga niður í okkur. Þeir vilja hindra okkur frá því að tala máli okkar. Þeir vilja stjórna því sem sagt er og þeir vilja geta beitt sálrænum hernaði gegn okkur öllum til að ná stjórn yfir okkur og þjálfa okkur í að bregðast við hræðslusögunum um fuglainflúensu og apabólu og hvað sem það nú er sem þeir vilja notfa næst til að ná stjórn yfir okkur. Þeir ætla að kenna fólki að þegja, setjast niður, vera á heimilum sínum og gera það sem því er sagt að gera. Ég er ekki sáttur við það, ég held að þið séuð ekki í sátt við það og ég vona að þið sameinist okkur öllum til að berjast gegn þessari nýja harðstjórn.“