Ekki er vitað hversu mikið flúor hefur verið í móðurmjólk Boga Ágústssonar rétttrúnaðarpostula Ríkisútvarpsins en samkvæmt Unu Emilsdóttur, sérnámslækni í atvinnu- og umhverfislæknisfræði, þá hafa rannsóknir á sambandi flúors og greindarvísitölu verið gerðar sem staðfesta að því hærra flúorgildi sem mælist í mæðrum, því lægri sé greindarvísitala hjá börnum þeirra (sjá skjáskot af heimasíðu RÚV hér að neðan):
Svívirðilegar lygaárásir á Robert F. Kennedy jr.
Bogi fer mikinn og hefur sérstaka ánægju af því að hæða forsetaframbjóðandann Robert F. Kennedy jr. Vanþekking RÚV-postulans er svo mikil að myrkrið nær hingað til Svíþjóðar. Ekki almennt að tekið sé eftir því, heldur eingöngu vegna þess að ég er Íslendingur og hef mætt lágkúru þessa rugludalls hjá RÚV sem taldi mig vera samsæriskenningarsmið fyrir mörgum árum síðan, þegar ég miðlaði fréttum sænska ríkisfjölmiðilsins SVT um skot- og sprengjuárásir í Svíþjóð. Núna neyðist rétttrúnaðarhausinn að segja fréttir af sameiginlegum blaðamannafundi dómsmálaráðherra Svíþjóðar og Danmerkur til að bregðast við nýrri útflutningsvöru Svíþjóðar til Danmerkur: Barnahermönnum sem fara yfir Eyrarsund til að drepa Dani.
Ég efast um að Bogi Ágústsson hafi nokkra hugmynd um, hvernig það er til dæmis að vera á sænsku bílnúmeri og keyra um í Kaupmannahöfn. Við hjónin förum iðulega til Danmerkur á hverju ári til að njóta okkur sem Íslendingar og meðal annars heyra nýjustu sögurnar um Svía. Um leið og við segjum orð á sænsku, þagna Danir og sýna okkur engan áhuga. Tölum við íslensku opna Danir hjörtu sín og það er eins og að vera kominn heim. Eftir útrás glæpaklíka frá Svíþjóð til Norðurlanda verður ekki auðveldara að vera á sænsku bílnúmeri í Danmörku.
Hvað segir Bogi núna þegar glæpaklíkur eru að hreiðra um sig á Íslandi eftir stjórnlausan innflutning farandfólks til landsins? Ætli fíkniefnainnflutningurinn og vaxandi óöld séu ekki bara enn ein samsæriskenningin?
Ekki pláss fyrir staðreyndir
Bogi lýgur því að Íslendingum að „fólk vestan hafs hafi haft Robert F. Kennedy jr. að aðhlátursefni.“ Engum alvöru blaðamanni er hlátur í huga í viðtölum við Kennedy. Allir skilja, hvað hann þurfti að ganga í gegnum, þegar frændi hans, forseti Bandaríkjanna var myrtur og síðan faðir hans, sem gegndi embætti dómsmálaráðherra. Kennedy jr. á einnig við líkamlega fötlun að stríða, því hann á erfitt með mál sem takmarkar frásagnargetuna.
Kannski hlær rugludallurinn á Efstaleiti að þeirri fötlun, þegar slökkt hefur verið á vélunum. Bogi Ágústsson er að sjálfsögðu ekki að leggja það niður fyrir sig að fylgjast með störfum Kennedy jr. sem hefur staðið í áralangri baráttu gegn lyfjarisum og ritskoðun á samfélagsmiðlum eins og Facebook.
Nýlega gaf héraðsdómur í Louisiana grænt á, að ákæra Kennedy og Heilsusamtaka barna gegn Biden stjórninni fyrir samráð við tæknirisa um að ritskoða athugasemdir og greinar sem sérstaklega var beint gegn Kennedy og samtökum hans, verði tekin fyrir af dómstólnum. Fleiri slík mál eru í gangi gegn ríkisstjórn Bidens í kjölfar Covid. Núna hefur Google verið dæmt fyrir markaðsmisnotkun og búast má við að fyrirtækið verði stykkjað í minni einingar svo frjáls samkeppni endi ekki í ruslatunnunni eins og hjá bolsévikum forðum og núna rétttrúnaðarsinnum í Glæpaleiti.
Tímaskekkja heilbrigðrar blaðamennsku
Allir sem hafa fylgst eitthvað með skrifum fremsta bloggara Íslands, Páls Vilhjálmssonar, vita að hann hefur afhjúpað nokkra starfsmenn RÚV sem byrlara og falsara gegn skipstjóra til að búa til haturssögu byggða á pólitískum rétttrúnaði. Heimilisfang RÚV þar af réttilega nefnt „Glæpaleiti.“
Bogi Ágústsson er kominn á eftirlaun en fær að halda starfi. Hversu algengt er það hjá ríkisapparatinu? Starfsmönnum heilbrigðiskerfisins fleygt á dyr samstundis og aldri er náð. Kannski verður það hlutskipti þessa heilaþvottameistara ríkisins að reyna að telja fólki trú um að sjómaður hafi drepið byrlunarmálið sem ofan á alla aðra spillingu er þvílíkur þungur kross fyrir stofnunina að bera.
Bogi Ágústsson er tímaskekkja heilbrigðrar blaðamennsku og ber tafarlaust að vísa á dyr næst þegar hann kemur í „vinnuna.“ Það er vegna manna eins og hans sem verið er að afmá lýðræðið á Íslandi og drepa allt frumkvæði og hugvit landsmanna í dróma.
Bogi gerði þjóðinn beinast gagn ef hann hætti ferðum í Glæpaleiti.
