Annar þáttur Ísafoldar hefst á frásögn Írisar Erlingsdóttur á hryllilegum morðum á forseta Minnesotaþings í Bandaríkjunum, Melissu Hortman og eiginmanni hennar og skotárás á öldungadeildarþingmanninn John Hoffman og eiginkonu hans einnig í Minnesota. Listi með nöfnum 70 stjórnmálamanna fannst í bifreið morðingjans og miklar umræður eru í gangi um markmið hans.
Svokölluð NGO (non governmental organizations) eru einkarekin samtök sem tjalda því til að þau séu rekin til styrktar góðgerðastörfum. Ríkið dælir peningum skattgreiðenda í slík samtök sem síðan senda frá sér launaða atvinnumótmælendur sem standa fyrir óeirðum, kveikja í bílum, rústa verslunum m.fl. Yfirvöld Bandaríkjanna lofa að taka hart á slíkum mótmælendum en búið er í mörg ár verið að leika sér með eldinn þar sem ýmsir m.a. demókratar hafa beinlínis hvatt til uppreisna og skemmdarverka.
Samtökin 78 á Íslandi eru NGO samtök og hafa fjárlög ríkisins nær 17-faldast til samtakanna frá 2017-2024 og eru núna um og yfir 100 milljónir árlega. Samtökin stunda persónunjósnir til að koma höggi á þá sem ekki tilbiðja trans hugmyndafræðina sem S78 breiðir út fyrir fé skattgreiðenda. Samtökin hafa kært blaðamanninn Pál Vilhjálmsson fyrir að halda því fram að kynin séu tvö og einnig Eld Smára Kristinsson fyrir sama hlut. Árásir á kristinfræði er einnig áberandi til dæmis var gert grín að Kristi með mynd af honum sem trans með konubrjóst.
Utanríkisráðherra Íslands hefur verið kærður fyrir landráð vegna Bókunar 35. Að undanförnu hefur færst í vöxt að stjórnvöld reki einstaklinga frá störfum ef viðkomandi hefur aðra skoðun en yfirvöldum er þóknanleg. Nýjasta dæmið er svipting Kalla Snæ á læknaleyfi sínu en hann hefur farið fram á úttekt á þeirri reynslu sem finnst eftir Covid-faraldurinn. Viðbrögð ýmissa stjórnmálamanna rædd eins og fyrrverandi utanríkisráðherra, Þórdísar Kolbrúnar. sem átti nóg af gífuryrðum en þeim mun minna af rökum eins og fyrrverandi Hæstaréttardómari Jón Steinar Gunnlaugsson benti á.
Mitt í öllu þessu hefja Íslendingar sem fengið hafa nóg af hömlulausum fólksinnflutningi fundi á Austurvelli. Ísland þvert á flokka stækkar og margir Íslendingar m.a. erlendis senda hópnum árnaðaróskir og hvetja áfram.
Það gera aðstandendur Ísafoldar líka: Áfram Ísland!
Smelltu á spilarann að neðan til að hlýða á umræðuna.