Þúsundir fána blöktu í vindinum þegar hálf milljón Ástrala fór út á götur til að mótmæla innflytjendastefnu yfirvalda. Kröfurnar voru skýrar: stöðva fjöldainnflutning og endurheimta stjórnina. Stjórnvöld brugðust við með því að fordæma mótmælin en hreyfingin eykst með hverjum deginum.
Ástralía nötrar vegna stærstu mótmælum gegn innflytjendastefnu í sögu landsins. Samkvæmt ýmsum fréttamönnum tóku á milli 350.000 – 500.000 manns þátt í mótmælunum „Göngum fyrir Ástralíu“ sem voru samtímis í meira en tíu borgum – þar á meðal Sydney, Melbourne, Brisbane, Perth, Adelaide, Canberra, Townsville, Darwin og Cairns, að því er Reuters greinir frá.
Mótmælin voru vel skipulögð og fóru friðsamlega fram. Boðskapur mótmælenda var tafarlaus stöðvun á áframhaldandi fjöldainnflutningi og endurheimtingu stjórnina fyrir framtíð landsins. Samkvæmt ríkissjónvarpinu tóku á milli 5.000 – 8.000 manns þátt í mótmælagöngu nálægt Óperuhúsinu í Sidney – en frásagnir sjónarvotta og drónamyndbönd frá öðrum borgum benda til miklu hærri tölu á landsvísu.
Á samfélagsmiðlum lýstu margir þátttakendur mótmælunum sem „sögulegum tímamótum“ – og áminningu um að það er almenningur, – ekki stjórnmálamenn, sem ákveða stefnu landsins að lokum.
Skipuleggjendur leyfðu einungis ástralska fánanum að sjást í mótmælunum og lögðu áherslu á þjóðareiningu. Gagnrýni mótmælenda beinist gegn ríkisstjórninni sem mótmælendur segja að hafi misst stjórn á innflytjendamálunum. Stjórnvöld undir forystu Verkamannaflokksins fordæmdu mótmælin. Innanríkisráðherrann Murray Watt kallaði þau „hatursfull“ og hélt því fram að mótmælendur væru í tengslum við „öfgahægrihópa“ án þess að rökstyðja það neitt nánar.
Stjórnarandstaðan hefur hins vegar aðrar hugmyndir: „Við höfum rétt til að hafa áhyggjur af innflytjendamálum og það gerir okkur ekki að rasistum“ sagði Jacinta Nampijinpa Price, skuggaráðherra, við Sky News. Paul Scarr annar skuggaráðherra sagði að það væri margt gott fólk í mótmælagöngunum. Hann vill að innflytjendamálin verði tekin til rækilegrar endurskoðunar.
Síðan Covid-19 hófst hefur íbúum Ástralíu fjölgað um meira en 1,5 milljónir manna, þar af 80% vegna innflytjenda. Samkvæmt skýrslu Institute of Public Affairs hefur hagvöxtur Ástralíu orðið mjög háður innflytjendum og á kostnað lífskjara og félagslegrar samheldni. Mótmælin snerust um húsnæðisskort, lélegrar stöðu heilbrigðisþjónustunnar, versnandi öryggi og vaxandi tilfinningu fyrir því að ástralska samfélagið sé að sundrast.
Mótmæli eru víða um heim gegn fjöldainnflutningi frá Mið-Austurlöndum og Afríku til Vesturlanda eins og sjá má X hér að neðan: