Thjodolfur

frjals og fullvalda

Gyðingur handtekinn fyrir að bera Davíðsstjörnu í London – fer í taugarnar á stuðningsmönnum Hamas

Gústaf Skúlason

Sendinefnd Ísrael hjá SÞ bar Davíðsstjörnuna eftir hryðjuverkaárásir Hamas á Ísrael 7. október 2023

Undir stjórn hins róttæka Sadiq Khans er tvíþætt réttarkerfi í Lundúnum: Eitt fyrir gyðingahatara og eitt fyrir alla aðra.

Í ágúst var lögmaður handtekinn og haldið sem fanga lögreglunnar vegna mótmæla Hamasvina gegn ísraelska sendiráðinu í miðborg Lundúna. Lögmaðurinn var á staðnum sem óháður áhorfandi sem er fullkomlega löglegt. En hann var handtekinn fyrir þann „glæp“ að bera Davíðsstjörnuna opinberlega.

Marina Medvin deildi sögunni á X (sjá að neðan):

„Gyðingur, lögmaður með Davíðsstjörnu var handtekinn eftir að breska lögreglan hélt því fram að gyðingamerkið væri „andstætt“ mótmælendum hliðhollum Palestínu.

Lögmaðurinn sagði að lögreglumenn hefðu handjárnað hann með hendurnar fyrir aftan bak, sett hann í lögreglubíl og haldið honum í yfirheyrslu. Hann sagði að hann hefði verið haldið í næstum 10 klukkustundir!

Lögreglan í London neitar því að handtakan tengdist Davíðsstjörnunni og fullyrti að maðurinn hefði verið handtekinn fyrir að „brjóta ítrekað“ fyrirmæli lögreglunnar um að halda andstæðingum mótmælendanna aðskildum, samkvæmt The Telegraph. En lögmaðurinn skjalfesti um 30 atvik þar sem mótmælendur höfðu sýnt glæpsamlega hegðun, en ekkert þeirra leiddi til handtöku. Í staðinn var það bara gyðingurinn sem var handtekinn að lokum.“

Geller-fréttin greinir frá:

– Núna höfum við það: Hljóðlaust andlát ríkisborgararéttar á jafnréttisgrundvelli. Merkið sem eitt sinn táknaði ofsóknir gegn Gyðingum í Evrópu táknar núna handtöku Gyðinga í Englandi.

Lögreglan kallar það „að halda friðinn.“ Í raun er það hugleysi sem orðið er að stjórnmálastefnu. Það er það sem gerist þegar ríkið óttast meira að móðga gerandann en að vernda fórnarlambið. „Að vera andsnúinn“ er orðið að glæp. Með öðrum orðum, ef skríllinn hatar þig nógu mikið, þá missir þú mannréttindin.

Við höfum séð þessa þróun áður. Nútíma lögregluþjónn talar tungumáli mannréttinda, en ekki réttlætis. „Spennan er mikil, sveitarfélögin eru viðkvæm, við verðum að vera hlutfallsleg.“ Allar þessar setningar þýða það sama: lögin gilda ekki lengur jafnt fyrir alla.

Mótmælendur geta sungið „Frá ánni til sjávar,“ veifað Hamas-fánum og öskrað „Hnattvæðum heilaga stríðið“ án þess að það hafi afleiðingar. En Gyðingur sem ber litla stjörnu er stimplaður sem ógn við almenna reglu. Þegar gyðingahatrið blómstrar í stærstu borg Bretlands, þá dugar að bera gyðingamerki til að lögreglan grípi til aðgerða.

Árið 2024 var lögreglumaður myndaður þegar hann lokaði fyrir Gideon Falter, gyðing sem var með höfuðfat gyðinga, kippu eða kippah og bað hann um að vera kyrr á meðan mótmælendur til stuðnings Palestínu gengu fram hjá, að sögn BBC.

„Ég vil ekki vera hér, ég vil fara,“ sagði Falter eftir að hafa verið stöðvaður. En lögreglumaðurinn leyfði honum ekki að fara og sagði:

„Eins og er, herra minn, þá ert þú opinberlega gyðingur. Þetta er palestínsk ganga. Ég er ekki að ásaka þig um neitt, en ég hef áhyggjur af viðbrögðum við nærveru þinni.“

„Ef ég verð hér, munuð þið handtaka mig?“ spurði Falter. Lögreglumaðurinn svaraði:

„Nærvera þín hér er ögrun við stóran hópi fólks, – við getum ekki tekist á við alla ef þeir ráðast á þig … vegna þess að nærvera þín er að ögra þeim.“

Áhugaverðar fréttir

Fara efst á síðu