Andrew Doyle (á myndinni á bak við grímu af konu) skrifar grein um málaferli gegn Eldi Smára Kristinssyni.
Málaferli Samtakanna 78 og yfirvalda gegn Eldi Smára Kristinssyni vekja athygli erlendis. Viðtöl eru tekin við Eld Smára og hann beðinn um að segja frá því, hvað sé eiginlega í gangi á Íslandi og hvers vegna hann sé sérstaklega útsettur fyrir rógburð ríkisfjölmiðla og hatur pólitíkusa. Sérstaklega hatur Samtakanna 78 sem segjast vinna fyrir samkynhneigða en gangast upp í því að brjóta mannréttindi kvenna og ofsækja aðra samkynhneigða sem fullyrða eins og Hæstiréttur Bretlands að kynin séu bara tvö: karl og kona. Hvað heldur þetta fólk eiginlega að það sé að vera að setja sjálft sig ofar skapara himins og jarðar og takmarka líf annarra með beinum inngripum í löggjafann?
Einn af þeim sem hefur skrifað grein um málið er rithöfundurinn, útvarpsmaðurinn og grínistinn Andrew Doyle. Hann er höfundur bókarinnar „Málfrelsið og hvers vegna það skiptir máli“ og „Nýju Púrítanarnir.“ Hann heldur úti vikulegum sjónvarpsþætti á GB News „Þjóð málfrelsisins.“
Í grein 3. maí skrifar Doyle (saxað úr greininni í lausri þýðingu):
Ísland hefur yfirgefið málfrelsið
Stundum líður manni eins og vókhreyfingin hafi loksins farið af sporinu og heimurinn sé smám saman að snúa aftur til geðheilsunnar. Við höfum séð Cass-úttektina, nýlegan úrskurð Hæstaréttar um að ekki sé hægt að breyta kyni með skírteini, tilskipanir Trumps um að standa vörð um kynbundin réttindi kvenna og ýmsar íþróttastofnanir sem banna körlum að taka þátt í íþróttum kvenna.
Og samt halda nokkur vígi áfram með afturhaldssömum hugmyndum sínum, einkum Kanada og Ástralía. En Ísland gæti líka verið eitt af þeim verstu. Íslenski aðgerðasinninn fyrir réttindi samkynhneigðra, Eldur Smári Kristinsson, stendur núna frammi fyrir þriðju ákærunni og tveggja ára fangelsi. Glæpur hans?
Jæja, skoðaðu það sjálf/ur:
Þetta er ein af sjö færslum á samfélagsmiðlum – sem allar eru jafn gagnrýnar á hugmyndafræði kynvitundar og skaða sem hún veldur börnum – sem hafa leitt til þess að hann hefur verið ákærður fyrir „hatursorðræðu“ samkvæmt 233. grein hegningarlaga.
Eldur var kærður af Landssambandi hinsegin fólks á Íslandi, sem samsvarar Stonewall-samtökunum. Í Bretlandi hefur rangfærsla Stonewall-samtakanna á jafnréttislögum leitt til þess að fyrirtæki og kynhneigðarsamtök slíta hratt öllum tengslum. Á Íslandi hefur engar slíkar framfarir átt sér stað.
Lögmaðurinn Dennis Noel Kavanagh hefur lýst afleiðingum máls Eldurs:
„Þetta lítur út eins og ríkisstyrkt áreitisherferð gegn samkynhneigðum manni sem nýtir sér tjáningarfrelsið. Eldur stendur nú frammi fyrir þriðju ákærunni fyrir að nýta sér tjáningarfrelsi sitt, sem er fullkomlega löglegt í Bretlandi. Þetta lítur út fyrir að vera skipulögð tilraun til að brjóta hann niður, – ég hef séð nægilega mörg sakamál til að vita hvernig ákæra í formi slítandi stríðs lítur út. Ef þetta væri gert í Bretlandi myndi ég leita eftir dómsúrskurði á þessum óréttlátu og upplognu ákærum. Ég myndi einnig halda því fram að ákæran í heild sinni væri misnotkun á öllu ferlinu, lagakenning sem við verðum að stöðva svo að ríkið misnoti ekki vald sitt til að draga fólk fyrir dómstóla.“
Því miður er engin slík vernd til á Íslandi. Það virðist ekki skipta máli að margir aðrir deila áhyggjum Elds af hættunni á því að karlar taki domperidon til að örva brjóstagjöf. Jafnvel framleiðandinn hefur viðurkennt að því gætu fylgt „hugsanlegar aukaverkanir á hjarta barnsins“ og að það „á einungis að nota meðan á brjóstagjöf stendur ef læknir telur það algjörlega nauðsynlegt“.
Þó að sumir gætu hikað við ásökunina um barnaníð í tísti Elds, þá er erfitt að skoða myndir af körlum með barn á brjósti án þess að komast að þeirri niðurstöðu, að kynferðisleg nautn (fetish) sé tekin fram yfir velferð barnanna. Það er varla róttæk afstaða að álykta að þetta sé tegund af barnaníði.
Jafnvel þótt áhyggjur Elds væru ekki alveg sanngjarnar – sem þær eru – þá er engin réttlæting fyrir því að hann sé ákærður fyrir refsivert brot. Á Íslandi ríkir stolt hefð fyrir tjáningarfrelsi en það skiptir litlu máli þegar kemur að þessari nýju tegund villutrúar.
Í lok greinarinnar bendir höfundur lesendum hvar þeir geta styrkt Eld í baráttunni gegn ofsóknum yfirvalda og í mörgum athugasemdum segjast lesendur einmitt hafa gert það. Vonandi fær Eldur Smári nægan stuðning í þessari glímu Davíðs við Golíat.
Hér að neðan er viðtal Jack Jewell við Eld Smára í hlaðvarpi þess fyrrnefnda: