Trump hefur stöðvað ætlanir glóbalizmans um alræðis alheimsvöld. Í augnablikinu að minnsta kosti. Nú spýr einn helsti áróðurssveinn George Soros, fyrrum utanríkis- og forsætisráðherra Svíþjóðar, Carl Bildt út þvílíku hatursvæli í grein í sænska Dagens Industri, að bergmálar víða. Í Svíþjóð að minnsta kosti. Hann segir Trump vera villimann og líkir þeim starfsmönnum Elon Musk í Skilvirkninsráðuneytinu sem eru að hreinsa út óþarfa embættismenn í Washington sem bandóðum kínverskum kommúnistum undir forystu Maó Tsetung. „Kínversk, kommúnistísk menningarbylting“ hrópar þessi fyrrum forsætisráðherra Svíþjóðar upp í bræði vegna niðurskurðar Trumps á djúpríki Washington.
Trump hefur greinilega orðið ágengt og Carl Bildt sem í dag mjólkar peninga úr alþjóðastofnunum og skattgreiðendum ESB sem varaformaður Evrópuráðs um erlend samskipti „The European Council on foreign relations“ froðufellir af bræði og útmálar forseta Bandaríkjanna sem stærsta skúrk í heimi. Og í skorti á málefnalegum rökum, þá vefur Bildt áfram gamalkunnan Rússavef sem Bandaríkjamenn hafa hent á haugana fyrir löngu síðan. Í greininni „Myrkrið leggst yfir Wahington“ skrifar Carl Bildt:
„Hatrið ræður því hvað Bandaríkjastjórn gerir“
„Donald Trump sjálfur er enginn maður með miklar eða djúpar hugsanir. Hann hefur vissulega ýmsar sterkar skoðanir – að tollar séu góðar er ein sú mikilvægasta – en það er varla hægt að líta á þær sem þátt í samanhangandi þjóðfélagsstefnu. Að þessu leyti er hann frekar einföld manngerð. En sú Maga hreyfing sem hefur þrifist í kringum hann stefnir greinilega að gagnbyltingarkenndri menningarbyltingu gegn því samfélagi sem þeir telja að sé orðið of opið, frjálslynt, alþjóðlegt og veraldlegt. Þeir vilja snúa þessari þróun við með nánast öllum tiltækum ráðum.
Þegar ungir DOGE-aðgerðarsinnar Elon Musks æddu um Washington og ráku embættismenn og lokuðu stofnunum, þá líktist það rauðliðum Maó Tsetung sem öskruðu slagorð og reyndu að eyðileggja allt sem þeir gátu af gamla Kína.“
Angistarvein úr iðrum djúpríkisins
Karl Bild greinir síðan frá angistarveinum djúpríkismanna í Washington vegna þess að loftslagsfundum var aflýst; einn embættismaður þorði ekki að segja að þrælahald væri slæmt og rektor eins háskólans taldi sig þurfa að segja upp starfsfólki vegna stöðvunar á fjárgreiðslu alríkisins til skólans. Bildt segir að góður vinur hafi sagt sér að allt hafi gerst á svo undraverðum hraða að ástandið sé jafnvel orðið verra en í Ungverjalandi Viktor Orbáns. Bildt skrifar:
„Vonandi munu stjórnarskráin, þingið, dómstólar og komandi kosningar koma í veg fyrir það versta og hugsanlega jafnvel snúið þróuninni við. En það er því miður engan vegin öruggt.“
Trump „í taumi Kremlstjórnar“
Carl Bildt blæs út Rússagrýluna að nýju og segir Trump stjórnast af Kreml:
„Árum saman hefur yfirgnæfandi meirihluti heimsbúa fordæmt árásir Rússlands á Úkraínu. En núna hafa Bandaríkin skipt um hlið í þessu mikilvægasta öryggismáli Evrópu. Það er grundvallaratriði. Og þetta heldur áfram. Kremlverjar lokka Trump með hagstæðum viðskiptatækifærum gegn því að refsiaðgerðum verði aflétt og Úkraína yfirgefin. Hinir lúmsku, tælandi tónar hafa greinilega mikil áhrif.“
Bildt reynir síðan að slá kíl á milli Musk og Trump dreifir þeirri falsfrétt, að Musk sé á móti tollhækkunum Bandaríkjaforseta. Síðan gerir Bildt lítið úr efnahagsstyrk Bandaríkjanna með einungis 13% innflutning í heildarinnflutningi heims. Bildt segir Kína hafa mikla möguleika á að vinna tollastríðið og að Evrópusambandið muni koma þar þétt á eftir. Bildt endar greinina með orðunum: