Eftir nokkurra daga hlé hafa mótmæli hafist á ný í Tbilisi, Georgíu, þar sem stjórnarandstaðan mótmælir kosningasigri ríkisstjórnarflokkanna. Verið er að beita sömu bellibrögðum og í Kænugarði 2014, þegar löglega kjörnum embættismönnum var steypt af stóli í litabyltingu Soros, CIA og djúpríkis Bandaríkjanna í samstarfi meðal annars við nazista í Úkraínu.
Þrátt fyrir margra mánaða linnulausan og fordæmalausan þrýsting frá ríkisstjórn Bandaríkjanna og ESB, þá tókst þeim ekki að koma í veg fyrir lögmætan vilja almennings í Georgíu. Ríkisstjórnarflokkarnir undir forystu flokksins Draumur Georgíu fengu 54% atkvæða en stjórnarandstöðuflokkarnir fengu 38%.
Núna reyna glóbaliztarnir að steypa löglega kjörinni ríkisstjórn með mótmælum sem vonast er til að þróist upp í litaða byltingu eins og í Kænugarði 2014. Eitt af vopnum glóbalizmans er sænski „loftslagsaðgerðarsinninn“ Greta Thunberg sem tók þátt í pólitískri mótmælagöngu gegn ríkisstjórn Georgíu í gær.
Politico greindi frá því, að Gréta Thunberg hefði sagt við fjölmiðla á staðnum (sjá X að neðan):
„Ég er hér til að lýsa stuðningi mínum og samstöðu við alla aðgerðarsinna og borgara sem koma til að verja grundvallarréttindi sín eins og frelsi, réttlæti og lýðræði.“
Stjórnarandstöðuflokkarnir fjórir ásamt Salome Zourabichvili, forseta Georgíu, höfnuðu kosningaúrslitunum og komu með ásakanir um atkvæðasvik og kosningasvindl. Greta Thunberg sagðist hvetja íbúa Georgíu til að mótmæla stjórninni og fara út á göturnar:
„Þetta er svívirðileg þróun, einræðisleg þróun sem á sér stað í Georgíu núna.“
Til að sýna hvernig hún starfar á heimsvísu klæddist Thunberg palestínsku sjali, keffiyah.
Giorgi Vashadze hjá Sameinuðu þjóðarhreyfingunni hefur boðað viku mótmæli:
„Við krefjumst nýrra kosninga. Við viðurkennum ekki stolnu kosningarnar og við viðurkennum ekki lögmæti þingsins.“
Allt þekkist þetta frá liðinni tíð…..
