Athafnamaðurinn og fyrrum frambjóðandi til forsetaefnis repúblikana, Vivek Ramaswamy, segir í viðtali við Fox News (sjá að neðan), að „vitsmunalegur halli” Joe Bidens og „stjórnmálalegur halli” Kamala Harris, forsetaframbjóðenda demókrata, sé engin tilviljun. Hinir raunverulegu valdhafar sem halda um stjórnartaumana, notfæra sér meðvitað veikgeðja einstaklinga til að ná fram markmiðum sínum.
Á hvaða vegferð eru Bandaríkin í dag? Er um fyrirmyndar, blómstrandi lýðræði að ræða? Ekki beint, að sögn Vivek Ramaswamy – stjórnmálamennirnir ráða litlu sjálfir:
„Hinn harði veruleiki bandarískra stjórnmála í dag er að einstaklingarnir sem við kjósum til að leiða ríkisstjórnina eru ekki þeir sem í raun og veru leiða ríkisstjórnina, heldur eru það brúðustjórnendur fyrir neðan þá og í kringum þá. Ókjörnir embættismenn og yfirmannastéttin. Þess vegna held ég, að Kamala Harris sé ofmetin, þegar verið er að kalla hana kommúnista eða sósíalista. Það er gert of mikið úr henni. Ég held að hún hafi í rauninni enga hugmyndafræði. Hún er enn eitt tannhjólið í kerfinu.”
„Við stöndum ekki frammi fyrir einum frambjóðanda. Við horfum framan í kerfisvél. Þegar Donald Trump sagði árið 2016 að hann vildi „hreinsa díkið“ þá þýðir það, að við viljum skrúfa í sundur þessa vél.”
Samkvæmt Ramaswamy er það engin tilviljun, að Joe Biden og Kamala Harris hafi þá eiginleika sem sem hann lýsir. Þvert á móti. Það er með slíkum einstaklingum sem hinir raunverulegu valdhafar geta stjórnað.
„Vitsmunalegur halli Biden og pólitískur halli Kamala eru ekki gallar heldur kostir fyrir fólkið sem raunverulega stjórnar þeim. Þetta er hið ömurlega ástand bandarískra stjórnmála. Því meira sem við gerum okkur grein fyrir þessu, því meiri möguleika höfum við á að ná árangri.”
