Glæpamenn ríkisstjórnarinnar „Government Gangsters” er ný og áhrifarík heimildarmynd frá stríðsherbergi Stephen K. Bannon og byggir á metsölubók Kash Patel. Þessa mynd ættu sem flestir að sjá. Hún afhjúpar varðmenn og hausaveiðara djúpríkisins sem standa að baki sérhverjum nornaveiðum nútímans ásamt lygaáróðrinum RÚSSLAND, RÚSSLAND, RÚSSLAND, Úkraína, Úkraína, Úkraína, ákærugabbi #1, ákærugabbi #2, Mueller skýrslunni og svo miklu meira sem er í gangi í Bandaríkjunum í dag. Innihald myndarinnar upplýsir um hvernig róttækir vinstri menn misbeita opinberu valdi og nota í pólitískum tilgangi til að breyta löggæslu, leyniþjónustu og varnarmálum gegn almennum borgurum.
RNC WarRoom Films, dótturfyrirtæki WarRoom í eigu Stephen K. Bannon, hefur birt fyrstu heimildarmynd sína sem byggir á metsölubók Kash Patel. Myndin var frumsýnd í Miller High Life Theatre á RNC þann 18. júlí 2024. Government Gangsters er framleidd af Stephen K. Bannon, Kash Patel og Dan Fleuette.
Government Gangsters afhjúpar á snilldarlegan hátt glæpamennina á bak við hin fjölmörgu „hneykslismál” í forsetatíð Trump sem hófust í kosningabaráttu hans 2016 og ná til dagsins í dag. Myndin afhjúpar svívirðileg moldvörpustörf undirróðursmanna sem notuðu opinber völd og áhrif til að framleiða falska atburði til að grafa undan Donald J. Trump. Þessi hneykslismál eru öll rækilega afhjúpuð og yfirfarin svo heimurinn megi skoða valdníðslu og óheiðarleika vinstri róttæklinga.
Government Gangsters segir frá Rússalygum, lygaákærum I og II og fartölvu Hunter Biden og fleiri málum þar sem opinberu valdi er beitt gegn stjórnmálaandstæðingum. Þessi kvikmynd mun án vafa breyta sýn margra á stjórnvöldum.
Steve Bannon: „Government Gangsters er ein besta mynd sem ég hef verið tengdur. Þú vilt ekki missa af þessari mynd.”
Kash Patel: „Ég er ótrúlega stoltur af því að vera hluti af þessari merku heimildarmynd. Þakka ber hinu ótrúlega teymi. Okkur tókst að skapa samræmda lýsingu á starfsemi djúpríkisins sem auðvelt er að fylgjast með í mörgum ruglingslegum málum sem skarast hvert í annað.“
Lesa má meira um myndina hér og sjá kynningu hér að neðan:
