Breski Verkamannaflokkurinn, undir forystu Keirs Starmer forsætisráðherra, ákvað að veita þúsundum harðsvíruðum glæpamönnum sakaruppgjöf og hleypa þeim úr fangelsi fyrir tímann. Þannig losnar pláss fyrir stjórnarandstæðinga flokksins sem mótmæltu innflytjendastefnu yfirvalda á götum úti í sumar. Breskur almenningur gagnrýnir sakaruppgjöfina harðlega en hópglæpamennirnir þakka Verkamannaflokknum með því að mæta á lúxusbílum sínum við fangelsishliðin.
„Flott hjá þér Keir Starmer“ segir glæpamaðurinn Daniel Dowling-Brooks, sem sat í sjö ár á bak við lás og slá fyrir mannrán og grófar líkamsárásir. Hann hefði setið áfram inni nokkur ár til viðbótar ef ríkisstjórn breskra jafnaðarmanna hefði ekki komið honum til bjargar. Núna lætur hann glaður taka myndir af sér fyrir framan lúxus Bentley-bílinn sinn fyrir utan fangelsið.
Hinn 29 ára Daniel er aðeins einn af um það bil 1.100 harðsvíruðum glæpamönnum sem sleppt er úr fangelsi án þess að þurfa að taka út fulla refsingu samkvæmt dómsúrskurði. Glæpum hefur fjölgað svo mikið í Bretlandi að ekki gefst tími til að byggja ný fangelsi til að taka á móti öllum dæmdum glæpamönnum. Þá ákvað ríkisstjórn Starmers að best væri að sleppa gömlum föngum, þegar þeir hafa afplánað 40% af fangelsistímanum.
Fögnuður glæpamanna
Breskir fjölmiðlar segja, að Daniel hafi fagnað frelsinu á glæsilegum hátt með fjölskyldu og „vinum.“ Auk hvíta Bentleysins var einnig svartur Mercedes G-Class með í för sem sótti 29 ára gamlan glæpamann sem var dæmdur og sat inni fyrir mannrán. Daníel segist „iðrast synda sinna“ og lofar að verða betri maður. Hann sagði við fjölmiðla þegar hann kom út úr fangelsinu:
„Ég rændi einhverjum sem skuldaði vini mínum peninga. Ég batt hann og ógnaði honum með byssu og lamdi hann. Það var slæmt en ekki eins slæmt og þeir [dómararnir] héldu. Ég sé eftir því sem ég gerði.“
Almenningur er ekki jafn sannfærður og Daníel um að hann eða hinir 1.100 glæpamennirnir sem komust hjá refsingu fari allt í einu að lifa heiðarlegu lífi. Margir óttast þess í stað að saklausum fórnarlömbum eigi eftir að fjölga í Bretlandi þegar glæpamenn notfæra sér refsiafslátt Verkamannaflokksins.
Hylling glæpahópanna óþægileg fyrir Keir Starmer
Þakkir glæpahópanna til Keirs Starmer hafa reitt Breta enn frekar til reiði. Hylling glæpamannanna er óþægileg fyrir Keir Starmer forsætisráðherra. Hann segist „deila reiði almennings“ en sýnir engin merki um að afturkalla ákvörðunina.
Refsiafsláttur Breta er þegar kominn fram úr þeim sænska. Í Svíþjóð er heimilt að draga frá þriðjung refsingar sem dómstóll dæmir. Glæpamenn í Bretlandi eru oft látnir lausir eftir að hafa einungis afplánað helming dómsins. Með nýju reglu Verkamannaflokksins þurfa glæpamenn aðeins að afplána fjóra mánuði fyrir hvert ár sem þeir eru dæmdir í fangelsi.
Orðavaðall jafnaðarmanna gagnvart almenningi
Þetta er í annað skipti á stuttum tíma sem Verkamannastjórnin lætur harðsvíraða glæpamenn lausa fyrir tímann til þess „að létta álagið á réttarfarskerfinu.“ Til að draga úr reiði almennings setti ríkisstjórn Verkamannaflokksins sér reglur um að morðingjar, nauðgarar og hryðjuverkamenn verða að afplána að minnsta kosti helming refsitímans en öðrum glæpamönnum yrði sleppt út fyrr. Það hefur hins vegar ekki lægt reiðiöldurnar, að yfirvöld hafa ekkert farið eftir þeirri reglu. Til dæmis voru 37 glæpamenn ranglega látnir lausir samkvæmt nýju lögunum. Að sjálfsögðu segja jafnaðarmenn Verkamannaflokksins „að það muni aldrei gerast aftur.“
Jafnaðarmenn jafna allt á verri veg og það endar venjulega með skelfingu fyrir almenning.
